Asuntu : 𝐕𝐈𝐙𝐈𝐓𝐀 𝐎𝐅𝐈𝐒𝐈Á𝐋 𝐏𝐌 𝐌𝐀𝐋Á𝐙𝐈𝐀 𝐃𝐀𝐓𝐎 𝐒𝐄𝐑𝐈 𝐀𝐍𝐖𝐀𝐑 𝐈𝐁𝐑𝐀𝐇𝐈𝐌 𝐇𝐀𝐌𝐄𝐓𝐈𝐍 𝐑𝐄𝐋𝐀𝐒𝐀𝐔𝐍 𝐀𝐌𝐈𝐙𝐀𝐃𝐄 𝐄𝐍𝐓𝐑𝐄 𝐓𝐈𝐌𝐎𝐑-𝐋𝐄𝐒𝐓𝐄 𝐍𝐎 𝐌𝐀𝐋Á𝐙𝐈𝐀 Dili. 23 Setembru 2025 Hafoin simu vizita ofisiál Primeiru-Ministru Malázia Dato Seri Anwar Ibrahim ho nia delegasaun iha Aeroportu Internasionál Prezidente Nicolau Lobato Comoro Dili, Prezidente Repúblika José Ramos-Horta konvoka kedas enkontru ho delegasaun PM Malázia nia iha Palásiu Prezidente Nicolau Lobato, Bairro-Pité. Xefe Estadu konsidera vizita PM Malázia hametin liután kooperasaun entre nasaun rua ne’e iha enkontru ne’e halo Diskusaun konstrutivu no foka bá futuru. Hanesan prepara-an bá adezaun istórika bá ASEAN iha Outubru oin mai iha Kuala Lumpur, Malázia nu’udár parseria importante tebes. Iha enkontru ne’e, komprometidu atu servisu besik liután ho Malázia no membru ASEAN sira hotu atu kumpre kritériu sira ne’ebé sei falta iha dalan atu sai membru plenu. Sei habarak liután oportunidade bá foin-sa’e Timoroan sira liu-hosi edukasaun no formasaun vokasionál iha Malázia. Sei servisu hamutuk mós atu hadi’a konektividade entre nasaun rua nian, hodi fasilita viajen no komérsiu. Nune’e mós Primeiru-Ministru Datuk’Seri Anwar Ibrahim espressa sentimentu kontente durante resepsaun formál ida iha Palásiu Prezidensiál hodi marka inísiu sesaun ofisiál bá loron da-huluk ninia vizita istóriku durante loron rua mai Timor-Leste. *𝐌é𝐝𝐢𝐚 𝐌𝐓𝐊*
Data Publica : 24 Sep 2025
Descrisaun :
