𝗗𝗶𝗹𝗶,𝟬𝟰 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲

Hafoin remata Enkontru Nivel Ministeriál nasaun Menus Dezenvolvidu sira (LDC) kona-bá Mudansa Klimátika iha Sala Reuniaun Ministériu Negosiu Estranjeiru no Kooperasaun sesta-feira ne’e. Delegasaun husi nasaun 44 akompaña husi Embaixador Timor-Leste bá Asuntu Mudansa Klimátika, Sr. Adão Barbosa, hala'o site visit hodi haree direta konstrusaun Sea Wall iha área tasi ninin Cristo Rei no Metiaut nomos tetrapod iha área tasi ninin Jardim Motael.

Iha site visit ne'e, Embaixador Timor-Leste bá Asuntu Mudansa Klimátika akompaña husi Koordenadór Laboratóriu Nasionál Ministériu Obras Públikas, Eng.Jony R. Varrela, hamutuk ho ekipa tékniku husi Kompañia Arquiris Unipessoal.

Bainhira to'o iha fatin, ekipa Laboratóriu Nasionál MOP ne'ebé lidera husi Eng.Jony R. Varrela hetan konfiansa hodi esplika bá vizitante sira projetu Sea Wall nia naruk hira no montante orsamentu ne’ebé IX Governu Konstitusionál aloka hodi konstrui Sea Wall no esplika mós objetivu konstrusaun Sea Wall bá vizitante sira. katak projetu ne'e sai parte husi esforsu adaptasaun mudansa klimátika no protesaun bá komunidade sira ne’ebé hela besik área kosteira.

Hafoin vizita iha Cristo Rei no Metiaut, delegasaun husi nasaun LDC kontinua bá Igreja Motael nia oin hodi haree tetrapod ne'ebé monta iha área tasi ninin Jardim 12 Novembru, Motael.

https://sdi.gov.tl/ministerio/presrealease/create

*Mídia-MOP*