Manatuto, 03 Fullan Setembru Tinan 2026.

Atividade ne’e hala’o ho objetivu atu fó onra no rekoñese kontribuisaun figura istórika no patriota nasionál, Monseñor Martinho da Costa Lopes, ne’ebé durante nia moris fó kontribuisaun boot bá povu no Nasaun Timor-Leste, liuliu iha luta bá justisa, dame, dignidade nomos direitu umanu.

Inaugurasaun ne’e ofisialmente hala’o husi Prezidente Repúblika, Dr.José Ramos-Horta ho prezensa Bispu na’in-tolu, membru IX Governu Konstitusionál, reprezentante relijiozu sira, autoridade lokál no komunidade Munisípiu Manatuto.

Inaugurasaun no atribuisaun naran foun ne’e, Ponte Manatuto la’ós de’it sai infraestrutura importante bá mobilidade no koneksaun entre komunidade sira, maibé mós sai nu’udar símbolu ida atu hametin nafatin memória nomos patrimóniu istóriku Monseñor Martinho da Costa Lopes bá jerasaun sira tuir mai.

Atribuisaun naran “Ponte Monseñor. Martinho da Costa Lopes” bá Ponte Manatuto hetan aprovasaun husi Konsellu Ministrus, nu’udar forma husi Estadu atu fó omenajen no rekoñesimentu nia servisu kontribuisaun bá povu nomos Nasaun Timor-Leste.

https://sdi.gov.tl/ministerio/presrealease/create

Média MPIE