𝐘𝐞𝐨𝐬𝐮 𝐊𝐨𝐫𝐞𝐚 𝐒𝐮𝐥, 𝟎𝟑 𝐒𝐞𝐩𝐭𝐞𝐦𝐛𝐞𝐫 𝟐𝟎𝟐𝟔-Ministru Komérsiu no Indústria Sr. Nino Pereira, hamutuk ho Sekretáriu Estadu Arte no Kultura Sr. Jorge Soares Cristovão, no Diretor Jeral Komérsiu, halo enkontru ho Mayor Yeosu, Sr. Seo Young-hak hodi diskuti oportunidade no troka kooperasaun iha setór importante sira.

Enkontru ne’e hatudu interese komún atu avansa kooperasaun iha área kultura, turizmu, no área estratéjiku seluk ne’ebé bele apoia dezenvolvimentu mutuál. Seo Young-hak hatudu kompromisu atu fó apoio ba relasaun entre Timor-Leste no Yeosu, hodi rekoñese potencial ba programa troka kultura, iniciativa promosaun turizmu, no atividade konjunta ne’ebé bele hadia koneksaun entre povu ho povu.

Ministru hatudu dedikasaun Timor-Leste atu espanda parsería ne’ebé kontribui ba diversifikasaun ekonomia nasional. Mayor Yeosu simu delegasaun sira ne’e ho kontente.

sorumutu ida ne’e marka pasu importante ba fortalese relasaun bilateral no kria dalan foun ba kooperasaun entre Timor-Leste no Yeosu, liu-liu iha área ne’ebé apoia dezenvolvimentu kultura, indústria kreativu, no turizmu sustentável.

𝙈𝙚𝙙𝙞𝙖 𝙈𝘾I

See less