𝐆𝐰𝐚𝐧𝐠𝐲𝐚𝐧𝐠, 𝐊𝐨𝐫𝐞𝐚 𝐝𝐨 𝐒𝐮𝐥, 𝟎𝟒 𝐒𝐞𝐭𝐞𝐦𝐛𝐫𝐨 𝟐𝟎𝟐𝟔- Ministru Komérsiu no Indústria Sr. Nino Pereira, hamutuk ho Sekretáriu Estadu Arte no Kultura Sr. Jorge Soares Cristovão no Embaixadór Estraordináriu no Plenipotensiál Timor-Leste iha Koreia Sr. António de Sá Benevides hasoru malu ho Komisáriu Autoridade Zona Ekonómika Livre Área Baía Gwangyang Sr. Koo, Choong- gon.

Iha enkontru ne’e, parte sira troka oportunidade kooperasaun ekonomia no kultura entre Timor-Leste ho Korea do Sul. Ponto importante sira ne’ebé koa’lia mak investimentu no komérsiu; estuda possibilidade ba parseria iha setor transformasaun no lojístika, interkámbiu kultural; promove programa arte no kultura fó forte relasaun bilateral no dezenvolvimentu sustentável atu prende hosi esperiénsia Korea iha zona ekonómika livre atu bele aplika iha Timor-Leste.

Ministru Komérsiu no Indústria, Sr. Nino Pereira, hato’o apresiasaun sinseru ba Autoridade Zona Ekonómika Livre Área Baía Gwangyang (GFEZ) tanba simu delegasaun Timor-Leste ho ospitalidade no oportunidade atu aprende hosi esperiénsia Korea.

Ministru Nino Pereira akresenta mos katak, Timor-Leste haree potensiál bo’ot atu aprofunda kooperasaun ekonomika ho Korea do Sul, liután iha manufatura, enerjia renovável, infraestrutura, lojístika, peska no indústria tasi nian, agro-prosesamentu, teknolojia dijitál no setór produtivu seluk.

Nia subliña katak nu’udar membru plenu ASEAN, Timor-Leste tama ba etapa foun integrasaun rejionál ekonomika, ne’ebé kria oportunidade foun ba investimentu no plataforma maka’as atu liga ho merkadu ASEAN.

Iha enkontru ne’e mos Autoridade Gwangyang aprezenta video kona-ba GFEZ ne'ebé dezignadu hanesan Zona Ekonómika livre iha Outubru 2003 ho vizaun atu sai sentru negósiu nian iha Ázia Nordeste.

Secretário Estado da Arte e Cultura

𝙈𝙚𝙙𝙞𝙖 𝙈𝘾I

See less