Asuntu : MINISTRA EDUKASAUN PARTISIPA IHA ASINATURA AKORDU KONA-BA EKONÓMIKU, TÉKNIKU, SIENTÍFIKU NO KULTURÁL ENTRE NASAUN TIMOR-LESTE NO MALÁZIA Díli, 23 Setembru 2025 – Sua Exelénsia Ministra Edukasaun, Dra, Dulce de Jesus Saores, partisipa iha asinatura akordu entre nasaun Timor-Leste no Malázia, kona-ba “Ekonómiku, Tékniku, Siéntifiku no Kultural”, ne'ebé reflete importánsia no kompromisu forte ne'ebé nasaun rua ne'e iha atu hametin relasaun bilateral. Aleinde ne'e, Malázia fó doasaun ba F-FDTL kamiaun militár 32, armas no munisaun. Hanesan sinál amizade nian, Timor-Leste fó ba Malázia rai bloku ida ba futuru konstrusaun Embaixada Malázia nian iha Dili. Prezidente Ramos-Horta hala’o enkontru bilaterál ho Primeiru-Ministru Dato’ Seri Anwar Ibrahim, reafirma amizade kmanek entre Timor-Leste no Malázia no sira-nia kompromisu ba Ázia Sudeste ida ne'ebé pás no prósperu. Enkuantu Timor-Leste prepara an atu sai membru ASEAN ba da-11 iha Cimeira ASEAN ba da-47 iha fulan-outubru tinan 2025, parte rua sei kontinua koordenasaun besik ho ASEAN hodi atinje roteiru sira seluk ne'ebé falta iha roadmap. "Ha'u haksolok tebes mak ha'u hato’o benvindu ba ha'u-nia belun diak, Primeiru-Ministru Dato’ Seri Anwar Ibrahim, mai Timor-Leste. Ninia vizita hanesan reafirmasaun forte ida ba amizade profunda no duradoura entre ita-nia nasaun rua—ligasaun ida ne'ebé harii iha solidariedade no mantén ho valor sira ne'ebé ita fahe," hateten Prezidente José Ramos-Horta. "Ita-nia relasaun ne'e ankra iha kompromisu komun ba demokrasia, justisa, no respetu mútuu. Apóiu firmi Malázia nian ne'e instrumentál durante momentu krítiku sira iha ita-nia istória: iha períodu antes restorasaun ita-nia independénsia, durante krize polítika 2006, no nia advokasia la para ba Timor-Leste nia membru ASEAN." Vizita ne’e, simu direta husi Sua exelénsia Prezidente Repúblika, José Ramos-Horta. Primeiru-Ministru hala’o vizita ofisiál loron rua iha Timor-Leste, entre loron 23 no 24 fulan-setembru, ho konvite husi ninia omólogu Prezidente Timor-Leste no Laureadu Nobel ba Pás, J. Ramos-horta no Primeiru-Ministru Timor-Leste nian, Kay Rala Xanana Gusmão. Vizita ofisiál ida-ne’e ho objetivu atu troka hanoin kona-ba preparasaun adezaun formal Timor-Leste nian ba ASEAN ne’ebé sei realiza iha loron 26 fulan Outubru, iha Kuala Lumpur, nune’e mós atu hametin relasaun bilaterál no kooperasaun ekonómika, sosiál no kulturál entre nasaun rua ne’e. Prezidente Ramos Horta sei kondekora Primeiru-Ministru Dato’ Seri Anwar Ibrahim ho Grande Colar da Ordem de Timor-Leste, nu’udar rekoñesimentu ba ninia amizade kleur ona ho Timor-Leste no mós apoiu ba ita-nia dezenvolvimentu nasionál no integrasaun rejionál nian.
Data Publica : 24 Sep 2025
Descrisaun :
