𝟎𝟑 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔

==============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, konvoka enkontru interministeriál ida iha Gabinete Vise-Primeiru-Ministru, Farol, Díli, Kinta, 03 Setembru 2026, hodi diskute progresu konstrusaun International Convention Center (ICC) ne’ebé lokaliza iha área Portu Díli.

Enkontru ne’e fó oportunidade ba ministériu no entidade relevante sira atu atualiza ba malu kona-bá dezenvolvimentu no progresu servisu konstrusaun ICC, inklui koordenasaun entre instituisaun sira atu asegura katak implementasaun projetu ne’e la’o tuir planu no objetivu ne’ebé estabelese ona.

Durante enkontru, Vise-Primeiru-Ministru hatete, importánsia kordenasaun interministeriál no komunikasaun ne’ebé di’ak entre parte hotu-hotu, atu identifika no rezolve lailais dezafiu sira ne’ebé bele mosu durante prosesu konstrusaun.

International Convention Center sei sai nu’udar infraestrutura importante ida ba Timor-Leste, liuliu atu suporta realizasaun konferénsia, enkontru internasionál, eventu diplomátiku no atividade importante sira seluk. Infraestrutura ne’e mós sei fó kontribuisaun ba dezenvolvimentu setór turizmu, no dinamizasaun atividade ekonómika.

Enkontru interministeriál ne’e atu hametin kolaborasaun entre instituisaun sira no garante katak konstrusaun International Convention Center ne’e bele kontinua ho efisiénsia no tuir planu ne’ebé define ona.

See less