Asuntu : 𝐏𝐌 𝐌𝐀𝐋Á𝐙𝐈𝐀 𝐊𝐎𝐍𝐒𝐈𝐃𝐄𝐑𝐀 𝐓𝐈𝐌𝐎𝐑-𝐋𝐄𝐒𝐓𝐄 𝐒𝐀𝐈 𝐇𝐀𝐍𝐄𝐒𝐀𝐍 𝐏𝐎𝐍𝐓𝐄 𝐇𝐎𝐃𝐈 𝐇𝐀𝐌𝐄𝐓𝐈𝐍 𝐑𝐄𝐋𝐀𝐒𝐀𝐔𝐍 𝐄𝐍𝐓𝐑𝐄 𝐏𝐎𝐕𝐔 𝐍𝐎 𝐏𝐎𝐕𝐔 𝐄𝐒𝐓𝐑𝐀𝐍𝐉𝐄𝐈𝐑𝐔. Dili, 23 Setembru 2025 Ministru Transporte no Komunikasaun, Eng.Miguel Marques Gonçalves Manetelu partisipa jantar ofisiál ne’ebé organiza hosi Prezidente Repúblika (PR), José Ramos-Horta ho Primeiru-Ministru (PM), Kay Rala Xanana Gusmão iha salaun Multiusos GMN Bebora. Primeiru-Ministru Malázia, Dato’ Seri Anwar Ibrahim konsidera ninia vizita mai Timor-Leste hanesan vizita ofisiál ne’ebé sai hanesan ponte ida hodi hametin relasaun entre povu ho povu iha estranjeiru. Nia konsidera vizita ida ne’e nu’udar marka importante ida bá Malázia no Timor-Leste hodi hametin kooperasaun ne’ebé iha ona ho nune’e loke kapítulu foun ida bá oportunidade sira bá sinérjia konjunta. Xefe ezekutivu Malázia ne’e hein katak, kooperasaun ne’ebé metin entre Malázia ho Timor-Leste sei hametin nafatin, hodi lori benefísiu ne’ebé dura bá povu nasaun rua nian. Delegasaun Malázia kontente tanba eventu ne'e mós akompaña ho atuasaun sira arte lokál, múzika no kultura, fó oportunidade ida ne'ebé iha valór atu troka hanoin sira kona-bá asuntu rejionál no globál atuál oioin. Partisipa iha jantár ofisiál ne’e Prezidente Parlamentu Nasionál, Maria Fernanda Lay, Prezidente Tribunál Rekursu, Afonso Carmona, membru Governu sira, Embaixadór Malázia iha Timor-Leste, Amarjit Sarjit Singh no Embaixadór Timor-Leste bá Malázia, Lisualdo Gaspar no entidade sira seluk. 𝐌é𝐝𝐢𝐚 𝐌𝐓𝐊
Data Publica : 24 Sep 2025
Descrisaun :
