𝘋𝘪𝘭𝘪,𝘖𝘩𝘪𝘯 𝘓𝘰𝘳𝘰𝘯 4 Fulan Setembro 𝘛𝘪𝘯𝘢𝘯 2026

Hafoin Termina formasaun ba Bombeiros Timor-Leste ,Tekniku sira husi Governu Japaun,hala᾽o kedas enkontru kortejia ho 𝐒𝐮𝐚 𝐄𝐱𝐞𝐥ê𝐧𝐬𝐢𝐚 𝐒𝐞𝐜𝐫𝐞𝐭𝐚𝐫𝐢𝐨 𝐄𝐬𝐭𝐚𝐝𝐨 𝐏𝐫𝐨𝐭𝐞çã𝐨 𝐂𝐢𝐯𝐢𝐥 (𝐒𝐄𝐏𝐂) 𝐃𝐨𝐦𝐢𝐧𝐠𝐨𝐬 𝐌𝐚𝐫𝐢𝐚𝐧𝐨 𝐑𝐞𝐢𝐬 hamutuk ho Direktur Nasional Bombeiros iha Gabineti-SEPC Kaikoli Dili.

Objetivu husi sira nia vijita ne᾽e mak oinsa atu koordena ho tekniku Bombeiros nian,liu-liu atu fo kapasitasaun ba reutilijasaun ba kareta auto-tanki lima ne᾽ebe mak oferese husi Governu Japaun no mos maneira oinsa mak kombate ho rapida.

Atu informa mos katak,hafoin enkontru 𝐒𝐞𝐜𝐫𝐞𝐭𝐚𝐫𝐢𝐨 𝐄𝐬𝐭𝐚𝐝𝐨 𝐏𝐫𝐨𝐭𝐞çã𝐨 𝐂𝐢𝐯𝐢𝐥 (𝐒𝐄𝐏𝐂) 𝐃𝐨𝐦𝐢𝐧𝐠𝐨𝐬 𝐌𝐚𝐫𝐢𝐚𝐧𝐨 𝐑𝐞𝐢𝐬,mos husu atu Governu Japaun apoiu tan “pato no mex” pakote atus rua ba Governu Timor-Leste liu-liu Bombeiros ,hodi nune᾽e bele responde ba pesoal sira hodi kombate insendiu ne᾽ebe mak ho eskalaun bo᾽ot.No Governante ne᾽e mos husu atu tekniku sira kontinua apoiu nafatin formasaun ba korpu bombeiros Timor-Leste hodi nune᾽e bele kapasita di᾽ak liu tan pesoal sira.

Governante ne᾽e mos fundamenta tan katak,dadaun ne᾽e governu planeia atu sosa “pato no mex” ba korpu bombeiros sira,maibe Nia dehan presija gasta ho kustu bo᾽ot,tamba kada “pato no mex” pakote ida sei gastus osan besik dolar rihun tolu resin.

Ho Nune᾽e positivamente Governu japaun mos kompromete sei apoiu “pato no mex” pakote atus rua ba Bombeiros Timor-Leste,atu nune᾽e bele asegura pesoal sira ba responde insendiu no dezastre ne᾽ebe mak akontese. No Tekniku Japaun nian mos salinta ba Timor-Leste Japaun mos pronto atu Servisu hamutuk.

Hafoin remata enkontru lideransa ne᾽e mos entrega sertifikadu apresiasaun ba Tekniku sira,no tara mos tais nu᾽udar sinal agradesementu ba dedikasaun no matenek ne᾽ebe mak fahe ba korpu Bombeiros sira.

𝕄𝔼𝔻𝕀𝔸 𝕊𝔼ℙℂ

See less