𝐃𝐢𝐥𝐢,𝟗 𝐅𝐮𝐥𝐚𝐧 𝐒𝐞𝐭𝐞𝐦𝐛𝐫𝐨 𝟐𝟎𝟐𝟔

Relasiona ho akontementu rai monu iha loron 22 fulan maio tinan 2026 liu ba hodi afeita populasaun iha suku maulo no suku fatubessi Postu Maubisse, Munisipiu Ainaro, liu-liu afeita direita familia uma kain-17.Maka ohin Loron 9 Fulan Setembro IX Governo Konstitusional liu husi Secretario Estado Proteção Civil (SEPC) Autoridade Protesaun Sivil (APS) tun apoiu direita material rekoperasaun ba familia vitima sira.

Governante hateten,Lori IX Governo Konstitusional nia naran liu husi Secretario Estado Proteção Civil (SEPC) Autoridade Protesaun Sivil (APS) hakarak hato᾽o ami nia solidaridade ne᾽ebe mak kle᾽an ba vitima sira, kauza husi dezastre no kadestrofes.Nia haktuir tuir politika Governo Da-9 nian,maka garantia sustentabilidade ba nasaun no estado,baseia ba Planu Estratejiku Dezenvolimentu Nasional (PEDN) 2011-2030.

“ami nia prejensa ba loron ohin atu hato᾽o solidaridade konkreta,iha maio 2026 dezastre ne᾽ebe mak akontese iha Maubisse Iha suku Fatubessi no Maulo,iha momentu ne᾽ebe ha᾽u marka prejensa kedas hodi observa kondisaun direita,ne᾽ebe mak afeita ba komunidade maulo no fatubesi no ha᾽u rasik mak apoiu direita material emergensia ba ita bo᾽ot sira.

“Ohin ita bo᾽ot sira bele asisti no observa direta material rekoperasaun ne᾽ebe mak to᾽o iha ne᾽e, ita bo᾽ot sira iha ne᾽e atu apoiu inan aman sira iha maubisse liu-liu iha suku maulo ho Fatubesi total uma kain 17 ne᾽e tama iha estragus total.”

Superior haktuir baseia ba decretu lei numeru 7/2021 delega kompetensia ba Secretario Estado Proteção Civil (SEPC) no Autosidade Protesaun Sivil (APS) katak sidadaun iha teritorio nasional ne᾽ebe mak hetan dezastre iha diretu sei hetan material emergensia no rekoperasaun.No decretu lei numeru 7/2020 ne᾽ebe mos fo kompetensia ba Secretario Estado Proteção Civil (SEPC) ho nia misaun atu servi no proteje sidadaun Timorense hotu husi dezastre no kadestrofes.

Governante husu inan aman sira,bainhira simu material rekoperasaun husu tenki harii hikas uma,atu nune᾽e vitima sira hotu iha direitu atu moris seguru hanesan mos sidadaun sira seluk ne᾽ebe mak moris iha ita nia rai Doben Timor-Leste.

Atu Haktuir tan de᾽it katak,uma kain 17 ne᾽e ohin Governo halo distribuisaun ba material rekoperasaun , maibe ba osan mão de obra Governo kompromete iha tempu badak sei halo pagamentu ba vitima sira hotu.

Partisipa iha apoiu material rekoperasaun ne᾽e mai husi Prezidenti Autoridade Protesaun Sivil ,Secretario Assunto Social Munisipiu Ainaro ,Komandante PNTL Postu Maubisse,Admnistrador Postu Maubisse,Chefe Suku no Familia vitima sira hotu.

𝐌𝐄𝐃𝐈𝐀 𝐒𝐄𝐏𝐂

See less