Asuntu : 𝐒𝐄𝐀𝐊 𝐈𝐧𝐚𝐠𝐮𝐫𝐚 𝐔𝐦𝐚 𝐋𝐢𝐬𝐚𝐧 𝐅𝐚𝐝𝐭𝐮𝐭𝐨 𝐋𝐞𝐡𝐞𝐢𝐧𝐭𝐮𝐭𝐨 𝐢𝐡𝐚 𝐌𝐚𝐮𝐛𝐢𝐬𝐬𝐞 𝐌𝐚𝐮𝐛𝐢𝐬𝐬𝐞, 𝐓𝐞𝐫𝐬𝐚 𝟐𝟑 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓; Sekretária Estadu Arte no Kultura (SEAK), liu husi Xefe Gabinete SEAK, Sr.Francisco Tae Mau, halo inagurasaun ba uma lisan Fadtuto Leheintuto ne’ebe lokaliza iha, Postu Administrativu Maubisse, Munisípiu Ainaro. Liu husi diskursu, Xefe Gabinete Francisco Tae Mau hateten, inagurasaun ne'e merese ba SEAK, tanba iha responsabilidade moral, atu apoia jerasaun sira ne'ebé hakarak prezerva no konserva sira-nia uma lisan no kultura. Tuir nia, iha artigu 59, aliñe A no F husi Konstituisaun RDTL fó direitu ba sidadaun hotu, atu konserva no prezerva sira-nia uma lisan tuir orijinalidade ne'ebé bei'ala sira husik hela. Iha biban ne’e, Francisco Tae Mau, hato'o parabéns ba liurai no jerasaun husi lisan Fadtuto Leheintuto nian, tanba sira iha inisiativa no vontade rasik, atu prezerva no konserva sira-nia sasán lulik tuir materia prima orijinál. Iha ambitu serimonia inagurasaun uma lisan ne’e, ekipa monitorizasaun husi SEAK mos hala’o atividade Monitoriza ba uma lisan refere, tanba hetan mos apoiu husi SEAK.
Data Publica : 24 Sep 2025
Descrisaun :
