𝐃Í𝐋𝐈, 𝐊𝐮𝐚𝐫𝐭𝐚, 𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔.

Vise-Ministra Finansas, Sra. Regina de Jesus de Sousa, hala’o reuniaun ho jestores no diretores husi direisaun haat iha Ministériu Finansas (MF), iha sala formasaun MF, Aitarak-Laran, Díli.

Reuniaun ne’e involve Direisaun-Jerál Tesouru, Direisaun-Jerál Jestaun Patrimóniu Estadu, Direisaun-Jerál Jestaun Mobilizasaun Rekursus Externus no Autoridade Tributária. Objetivu prinsipál husi reuniaun ne’e mak rona no avalia rezultadu semináriu kona-ba “Reforma Sistema Kontabilístika Setor Públiku no Privadu.”

Iha reuniaun ne’e, ekipa peritu husi Governu Indonézia no ekipa peritu husi Governu Timor-Leste kontinua diskusaun kona-ba esbosu polítika kontabilidade setor públiku no esbosu padraun kontabilidade setor privadu, ne’ebé sei kontinua prepara husi ekipa tékniku sira.

Direisaun haat ne’e mós fó atualizasaun kona-ba progresu diskusaun iha área kontabilidade setor públiku no privadu, inklui estudu prelimináriu kona-ba jestaun tributária, patrimóniu estadu, parseria públiku-privada no jestaun dívida públika.

Durante semana ida, ekipa peritu sira sei hala’o vizita ba entidade no instituisaun relevante sira ne’ebé iha relasaun ho jestaun patrimóniu estadu, tributasaun no dívida públika. Vizíta hirak ne’e sei ajuda ekipa peritu sira komprende liután situasaun no nesesidade iha área hirak ne’e.

Vise-Ministra Finansas mós halo avaliasaun ba atividade no progresu servisu husi direisaun haat ne’ebé iha responsabilidade iha área tesouraria, patrimóniu estadu, mobilizasaun rekursus externus no administrasaun tributária.

Reuniaun ne’e partisipa husi Diretora-Jerál Jestaun Patrimóniu Estadu (DGGPE), Sra. Timótea Pompea Marques, no diretores sira husi Direisaun-Jerál Tesouru, Jestaun Mobilizasaun Rekursus Externus no Autoridade Tributária.

#Foto #Ekipa #Media #Ministeriufinansas,

Atu hatene informasaun klaru liutan bele klik iha portal website Ministéri Finansas iha kraik ne’e:

https://www.mof.gov.tl/

https://customs.gov.tl/

https://attl.gov.tl/

https://tilesw.asycuda.org/pt-pt/node/194

https://inetl-ip.gov.tl/

See less