Hong Kong 09 Setembru 2026 – Ministru Komérsiu no Indústria Timor-Leste, S.E. Nino Pereira, partisipa iha Policy Dialogue: Building Resilient Trade and Investment Frameworks in a Diverse Global Landscape, fórum nivel aas ida ne’ebé halibur líder governu, organizasaun internasionál sira, no reprezentante setór privadu sira.

Diálogu ne'e foka ba hametin sistema komérsiu no investimentu globál sira iha fragmentasaun jeopolítika, dezafiu klimátiku sira, no inserteza ekonómika.

Durante sesaun sira, Ministru Nino Pereira destaka Timor-Leste nia kompromisu urjénsia atu adapta ba mudansa lalais iha ambiente globál.

“𝘐𝘵𝘢 𝘮𝘰𝘳𝘪𝘴 𝘪𝘩𝘢 𝘢𝘮𝘣𝘪𝘦𝘯𝘵𝘦 𝘨𝘭𝘰𝘣á𝘭 𝘪𝘥𝘢 𝘯𝘦’𝘦𝘣é 𝘬𝘰𝘮é𝘳𝘴𝘪𝘶 𝘯𝘰 𝘪𝘯𝘷𝘦𝘴𝘵𝘪𝘮𝘦𝘯𝘵𝘶 𝘮𝘶𝘥𝘢 𝘭𝘢𝘭𝘢𝘪𝘴 𝘵𝘦𝘣𝘦𝘴. 𝘛𝘦𝘯𝘴𝘢𝘶𝘯 𝘫𝘦𝘰𝘱𝘰𝘭í𝘵𝘪𝘬𝘢, 𝘥𝘪𝘴𝘳𝘶𝘱𝘴𝘢𝘶𝘯 𝘪𝘩𝘢 𝘬𝘢𝘥𝘦𝘪𝘢 𝘧𝘰𝘳𝘯𝘦𝘴𝘪𝘮𝘦𝘯𝘵𝘶, 𝘮𝘶𝘥𝘢𝘯𝘴𝘢 𝘬𝘭𝘪𝘮á𝘵𝘪𝘬𝘢, 𝘵𝘳𝘢𝘯𝘴𝘧𝘰𝘳𝘮𝘢𝘴𝘢𝘶𝘯 𝘥𝘪𝘫𝘪𝘵á𝘭 𝘯𝘰 𝘪𝘯𝘴𝘦𝘳𝘵𝘦𝘻𝘢 𝘯𝘦’𝘦𝘣é 𝘢𝘶𝘮𝘦𝘯𝘵𝘢 𝘬𝘳𝘪𝘢 𝘥𝘦𝘻𝘢𝘧𝘪𝘶 𝘧𝘰𝘶𝘯 𝘣𝘢 𝘦𝘬𝘰𝘯𝘰𝘮𝘪𝘢 𝘩𝘰𝘵𝘶-𝘩𝘰𝘵𝘶, 𝘱𝘢𝘳𝘵𝘪𝘬𝘶𝘭𝘢𝘳𝘮𝘦𝘯𝘵𝘦 𝘣𝘢 𝘯𝘢𝘴𝘢𝘶𝘯 𝘬𝘪’𝘪𝘬 𝘯𝘰 𝘯𝘢𝘴𝘢𝘶𝘯 𝘴𝘪𝘳𝘢 𝘯𝘦’𝘦𝘣é 𝘴𝘦𝘪 𝘥𝘦𝘻𝘦𝘯𝘷𝘰𝘭𝘷𝘦 𝘩𝘦𝘭𝘢.”

Nia subliña Timor-Leste nia prioridade klaru atu harii ekonomia ida ne’ebé diversifikadu, kompetitivu, no reziliente, hodi nota katak integrasaun ASEAN fó la’ós de’it asesu ba merkadu rejionál ida ne’ebé boot maibé mós oportunidade ida atu prepara ema, instituisaun, no negósiu Timor-oan sira atu partisipa ho efetivu iha merkadu.

Ministru mos destaka kona-ba Timor-Leste sei sai uma nain ba Prezidensia ASEAN 2029, hanesan oportunidade investimentu ida, no husu investor sira husi nasaun, liu-liu setor privadu Hong Kong bele aproveita nee nu’udar oportunidade negosiu iha infrastrutura, fasilidades teknolojia, promosaun digital, hotel no resort no prosesamentu ai-han.

“𝘐𝘵𝘢 𝘮𝘰𝘴 𝘬𝘰𝘯𝘷𝘪𝘥𝘢 𝘴𝘦𝘪𝘵𝘰𝘳 𝘱𝘳𝘪𝘷𝘢𝘥𝘶 𝘏𝘰𝘯𝘨 𝘒𝘰𝘯𝘨 𝘢𝘵𝘶 𝘱𝘢𝘳𝘵𝘪𝘴𝘪𝘱𝘢 𝘪𝘩𝘢 𝘈𝘚𝘌𝘈𝘕 𝘛𝘳𝘢𝘥𝘦 𝘍𝘰𝘳𝘶𝘮, 𝘯𝘦’𝘦𝘣𝘦 𝘴𝘦𝘪 𝘩𝘢𝘭𝘰 𝘪𝘩𝘢 𝘋𝘪𝘭𝘪, 𝘪𝘩𝘢 𝘧𝘶𝘭𝘢𝘯 𝘕𝘰𝘷𝘦𝘮𝘣𝘳𝘶 2026”

Ministru nia partisipasaun reforsa Timor-Leste nia lian iha governasaun ekonómika globál, aliña prioridade nasionál sira ho estratéjia internasionál ba reziliénsia no inkluzividade.

Orador sira iha sesaun diskusaun plenaria ne’e maka Ministru Estadu Asuntu Koperasaun Qatar, Ministru Komérsiu Bangladesh, Ministru Komérsiu Uzbekistan, Ministru Komérsiu no Seguransa Aihan Srilanka, Ministru Komérsiu no Indústria Timor-Leste, no Vise-Ministra Komérsiu Tailandia.

Media MCI

See less