𝐃í𝐥𝐢, 𝟏𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Ministru Komérsiu no Indústria, Sr. Nino Pereira, hamutuk ho CEO Kompañia m2t Unip. Lda, Sr. Cristiano do Santos, akompaña husi Diretor Jerál Indústria no Vise-Prezidente Asuntu Komérsiu no Indústria, Sra. Kathleen Gonçalves, ofisiálmente lansa produtu lokal no aplikasaun E-Komersiu iha serimónia ne’ebé hala’o iha Salaun MCI, Pisu 3, 14/09.

Lansamentu ne’e hatudu vizãun governu atu promove inovasaun no modernizasaun setór komérsiu Timor-Leste liuhosi plataforma dijitál ida foun.

Objetivu husi programa ne’e, atu promove no valoriza produtu lokal, suporta emprendedór no produtor lokal sira, atu asesu merkadu barak liu, no introdúz aplikasaun E-Komérsiu hanesan plataforma digital ida, atu fasilita prosesu sosa no fa'an ho maneira modernu, efisiente no garantia ho seguru.

Ministru Nino Pereira, orgullu ba produtu lokal ne’ebé iha sustentabilidade, no hateten katak presija hadomi no sosa produtu timoroan rasik, hodi apoia ba merkadu nasional no internasionál.

“𝘗𝘳𝘰𝘥𝘶𝘵𝘶 𝘩𝘢𝘯𝘦𝘴𝘢𝘯 𝘔𝘪𝘯𝘢 𝘔𝘢𝘳𝘶𝘯𝘨𝘪 𝘛𝘳𝘢𝘥𝘪𝘴𝘪𝘰𝘯𝘢𝘭 (𝘔2𝘛), 𝘔𝘖𝘍𝘍𝘜, 𝘔𝘢𝘳𝘶𝘯𝘨𝘪 𝘜𝘜𝘛 𝘯𝘰 𝘎𝘳𝘦𝘦𝘯 𝘛 𝘔𝘰𝘳, 𝘯𝘦’𝘦 𝘱𝘳𝘰𝘷𝘢 𝘬𝘢𝘵𝘢𝘬 𝘦𝘴𝘧𝘰𝘳𝘴𝘶 𝘬𝘰𝘮𝘶𝘯𝘪𝘥𝘢𝘥𝘦 𝘭𝘰𝘬𝘢𝘭 𝘪𝘩𝘢 𝘵𝘳𝘢𝘯𝘴𝘧𝘰𝘳𝘮𝘢𝘴𝘢𝘶𝘯 𝘱𝘳𝘰𝘥𝘶𝘵𝘶 𝘯𝘢𝘵𝘶𝘳𝘢𝘭 𝘴𝘢𝘪 𝘪𝘯𝘰𝘷𝘢𝘥ó𝘳. 𝘐𝘥𝘢 𝘯𝘦’𝘦 𝘩𝘢𝘮𝘰𝘴𝘶 𝘯𝘢𝘧𝘢𝘵𝘪𝘯 𝘦𝘴𝘱𝘪𝘳𝘪𝘵𝘶 𝘯𝘢𝘴𝘪𝘰𝘯𝘢𝘭𝘪𝘴𝘮𝘶 𝘯𝘰 𝘱𝘢𝘵𝘳𝘪𝘰𝘵𝘪𝘴𝘮𝘶, 𝘩𝘢𝘯𝘦𝘴𝘢𝘯 𝘳𝘪𝘬𝘶𝘴𝘰𝘪𝘯 𝘛𝘪𝘮𝘰𝘳-𝘓𝘦𝘴𝘵𝘦 𝘯𝘦’𝘦𝘣é 𝘣𝘦𝘭𝘦 𝘵𝘳𝘢𝘯𝘴𝘧𝘰𝘳𝘮𝘢 𝘣𝘢 𝘱𝘳𝘰𝘥𝘶𝘵𝘶 𝘰𝘪𝘰𝘪𝘯. 𝘛𝘳𝘢𝘯𝘴𝘧𝘰𝘳𝘮𝘢𝘴𝘢𝘶𝘯 𝘪𝘥𝘢 𝘯𝘦’𝘦 𝘪𝘯𝘬𝘭𝘶𝘪 𝘱𝘳𝘰𝘴𝘦𝘴𝘢𝘮𝘦𝘯𝘵𝘶 𝘱𝘳𝘰𝘥𝘶𝘵𝘶 𝘯𝘢𝘵𝘶𝘳𝘢 𝘩𝘰 𝘵𝘦𝘬𝘯𝘰𝘭𝘰𝘨𝘪𝘢 𝘮𝘰𝘥𝘦𝘳𝘯𝘶, 𝘦𝘮𝘣𝘢𝘭𝘢𝘫𝘦𝘮 𝘢𝘵𝘳𝘢𝘵í𝘷𝘶 𝘯𝘦’𝘦𝘣é 𝘮𝘰𝘵𝘪𝘷𝘢 𝘬𝘰𝘯𝘴𝘶𝘮𝘪𝘥ó𝘳 𝘴𝘪𝘳𝘢, 𝘯𝘰 𝘧ó 𝘷𝘢𝘭𝘰𝘳 𝘦𝘬𝘰𝘯𝘰𝘮𝘪𝘢 𝘢𝘥𝘪𝘴𝘪𝘰𝘯á𝘭 𝘯𝘦’𝘦𝘣é 𝘬𝘰𝘯𝘵𝘳𝘪𝘣𝘶𝘪 𝘥𝘪𝘳𝘦𝘵𝘢𝘮𝘦𝘯𝘵𝘦 𝘣𝘢 𝘵𝘳𝘢𝘯𝘴𝘧𝘰𝘳𝘮𝘢𝘴𝘢𝘶𝘯 𝘦𝘬𝘰𝘯𝘰𝘮𝘪𝘢 𝘯𝘢𝘴𝘪𝘰𝘯𝘢𝘭. 𝘕𝘶𝘯𝘦’𝘦, 𝘬𝘢𝘥𝘢 𝘦𝘵𝘢𝘱𝘢 𝘩𝘶𝘴𝘪 𝘪𝘯𝘰𝘷𝘢𝘴𝘢𝘶𝘯 𝘱𝘳𝘰𝘥𝘶𝘵𝘶 𝘭𝘰𝘬𝘢𝘭 𝘭𝘢’ó𝘴 𝘥𝘦’𝘪𝘵 𝘧ó 𝘣𝘦𝘯𝘦𝘧í𝘴𝘪𝘶 𝘣𝘢 𝘱𝘳𝘰𝘥𝘶𝘵𝘰𝘳, 𝘮𝘢𝘪𝘣é 𝘮𝘰𝘴 𝘴𝘶𝘴𝘵𝘦𝘯𝘵𝘢 𝘬𝘢𝘥𝘦𝘪𝘢 𝘦𝘬𝘰𝘯𝘰𝘮𝘪𝘢 𝘩𝘰𝘵𝘶-𝘩𝘰𝘵𝘶 𝘪𝘩𝘢 𝘛𝘪𝘮𝘰𝘳-𝘓𝘦𝘴𝘵𝘦.”_ Ministru MCI.

Ministru MCI mos akresenta, IX Governu Konstitusionál sei kontinua esforsu atu promove setor privadu, mikro, pekena no média empreza sira, hodi valoriza rikusoin natureza, transformadu ba produtu lokal. Sistema dijital E-komersiu, parte husi estratéjia MCI atu aselera transformasaun digital, fó oportunidade lalais ba emprendedor lokal no hametin ekonomia dijital iha Timor-Leste.

Iha fatin hanesan CEO M2T Company, Cristiano dos Santos hateten, Timor-Leste iha patrimóniu ida ne’ebé presiozu tebes konesimentu tradisionál kona-ba natureza, ai-horis no maneira moris saudavel.

"Durante jerasaun barak, komunidade sira iha Timor-Leste uja rekursu natural no ai-horis iha sira-nia kultura no pratika tradisionál. Koñesimentu ida ne’e mak parte husi ita-nia identidade. Agora ita iha oportunidade atu lori konesimentu no rekursu lokal ida ne’e ba nivel foun – la’ós atu abandona tradisaun, maibé atu dezenvolve nia ho responsabilidade, kualidade no inovasaun."_ Cristiano dos Santos

Plataforma E-Komersiu sei ajuda, juventude no MSME sira atu asesu merkadu nasional no internasionál, produtu lokal Timor-Leste sai visível no nivel global no governu hametin vizãu dezenvolvimentu sustentável liuhosi inovasaun dijitál.

𝙈𝙚𝙙𝙞𝙖 𝙈𝘾𝙄

See less