Asuntu : 𝐆𝐨𝐯𝐞𝐫𝐧𝐮 𝐀𝐬𝐢𝐧𝐚 𝐌𝐞𝐦𝐨𝐫𝐚𝐧𝐝𝐮 𝐡𝐨 𝐊𝐄𝐓𝐈𝐀 𝐅𝐨 𝐁𝐨𝐥𝐬𝐮 𝐄𝐬𝐭𝐮𝐝𝐮 𝐁𝐚 𝐄𝐦𝐚 𝐡𝐨 𝐃𝐞𝐟𝐢𝐬𝐢𝐞𝐧𝐬𝐢𝐚 𝐓𝐢𝐦𝐨𝐫-𝐋𝐞𝐬𝐭𝐞 24-September-2025 Seoul: Vice-Primeiro Ministro, Ministro Cordenador dos Assuntos Soçiais, Ministro do Desenvolvimento Rural e Habitação Comunitária, Eng. Mariano ASSANAMI Sabino, sai sasin ba memorandu entedimentu ne’ebe asina husi Embaixador Timor-Leste ba Korea, Atonio de Sá Benevides ho Prezidente Korea East Timor Interaction Association Co., Ltd. (KETIA), Park Young-rae, hodi fó bolsu estudu ba Ema ho Defisiensia Timor-oan sira. Governu Timor-Leste agradese ba vontade no solidariedade Povu Korea nian liu husi KETIA ne’ebe durante ne’e fo ona bolsu estudu ba estudante Timor-oan sira no ohin faze tuir mai fo tan bolsu estudu ba Ema ho Defisiensia sira hodi bele hala’o ninia estudu iha nivel ensinu superior. Timor-Leste orgullu ba povu Korea tanba sira nafatin ka’er metin valores solidariedade ne’ebe sai fundamentu ba sira nia nasaun hodi hakat ba oin. Solidariedade no tulun malu sai ona kultura ba povu rai rua hodi kesi malu nu’udar nasaun amigu oinsa bele apoiu malu iha aspeitu dezenvolvimentu kapital sosial no ekonomia. Korea hatudu ona sira nia vontade solidariedade iha Timor-Leste nia Independensia no bainhira Timor hetan ukun rasik aan sira haruka ninia forsa da paz mai iha ne’e no balun konsege mate ohin loron ninia monumentu konstrui iha RAEOA, la’os ne’e de’it liu husi Ajensia KOICA apoiu ona Timor nia dezenvolvimentu iha aspeitu oi-oin. Ohin loron KETIA fo tan apoiu ne’e Estadu Timor-Leste liu husi Embaixador sei garantia ninia operasionalizasaun hodi nune’e apoiu sira ne’e bele benefisia ba povu Timor-Leste liu-liu ba ema ho defisiensia sira.
Data Publica : 24 Sep 2025
Descrisaun :
