𝐋𝐈𝐐𝐔𝐈Ç𝐀, 𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 — Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, sesta liubá partisipa iha Komemorasaun Loron Konsulta Popular 30 Agostu 1999 no 4 Setembru 1999, hamutuk ho Inaugurasaun Monumentu Memoriál Masakre 4 Setembru 1999, iha Suku Metagou, Postu Administrativu Bazartete, Munisípiu Liquiçá.

Serimónia ne’e hala’o ho tema “Onra Pasadu, Hametin Prezente no Harii Futuru”, ho objetivu atu onra memória vítima sira no prezerva istória ba jerasaun foun.

Iha nia intervensaun, Sekretáriu Estadu Peskas hato’o respeitu ba família vítima no sobrevivente sira, no subliña katak memória pasadu tenki sai fonte aprendizajen atu hametin dame, unidade nasionál no rekonsiliasaun.

Nia mós konvida juventude no komunidade atu kuidadu no prezerva monumentu ne’e hanesan símbolu memória istórika no kontinua fó lembra ba jerasaun foun sira kona-ba folin boot husi dame no liberdade.

“Ita fó onra ba pasadu, hametin prezente no hamutuk harii futuru Timor-Leste ida ne’ebé dame, unidade no prósperu.”

Portantu monumentu ne’ebé harii iha metagou ligadu ho saudozu na’in-tolu, Jacinto dos Santos “Nakadoko”, Francisco da Silva “Lahaluha”, no Pedro Alves Maulaco “Lakili”, ne’ebé lakon vida iha Setembru 1999, iha suku Metagou.

Iha serimónia inaugurasaun monumentu memoriál ne’e, partisipa hosi Sekretáriu Estadu Veteranus, Sekretáriu Estadu Peskas, reprezentante CCLN Munisípiu Liquiçá, Diretór liñas ministerial, Komandante PNTL, Eskuadra Bazartete, família vítima, komunidade no estudante sira.