Viqueque, 04/09/2026; Governu liu husi Ministériu Agrikultura Pekuária Peska no Floresta hahú moderniza setór Agrikultura katak kolleta hare uza makina Agrikola modernua ho objetivu atu hasa’e produsaun no asegura seguransa ai-han iha rai laran no redus gastus inklui tempu servisu, Atvidade koilleta ne’e realiza iha Suku Luca Munisípiu Viqueque.

Iha Intervista Reprezentante Ministru MAPPF Armindo da Silva esplika, ohin loron ida ne’ebé mak importante tanba iha fulan kotuk liu ba ita mai kuda iha ne’e no objetivu ohin mai iha ne’e atu koilleta hare uza makina agrikola modernu, governu liu husi MAPPF nia programa oinsa mak atu hasa’e produsaun no produktividade iha ita nia rai laran. Bainhira ita uza liman deit ita bele produz maibe produz naton deit ho makina ne’ebé mak iha bele produz barak hodi apoiu agrikultor bele hasa’e produsaun diak liu tan.

‘’Atu moderniza agrikultura la’os deit ita fo apoiu makina kuda hare no ko’a hare maibe iha mos Drone para bele utiliza hodi rega adubus organiku ben/likidu no mos pestisida hodi minimiza pesti ne’ebé estraga produsaun ida ne’e, governu nia programa la’os to’o deit iha ne’e bainhira agrikultor iha inisiativa nafatin hakarak atu hasa’e produsaun governu iha komitmentu atu apoiu nafatin liu liu iha setor agrikultura’’

Reprezentante PAM Viqueque Leopoldo da Costa Alves akresenta hanesan autoridade agradese ba MAPPF bele apoiu ona makina agrikola modernu ne’ebé husi Ministru MAPPF ‘’Marcos MAMETA da Cruz’’ katak nia komesa hare hetan problema lukunas nessesidades agrikultor ninian, hanesan autoridade lokal nafatin iha koperasaun diak ho parte nasional sira para atu hare teknikamente liu liu parte agrikultura ninian, ita iha mos koperasaun diak ho Xefe grupu agrikultor sira hotu atu halo manutensaun ba makina sira hotu liu liu konaba jestaun makina sira, no koloka makina sira tuir nessesidades agrikultor nian maibe tenke la’o tuir ordem no disiplina para la bele fo impaktu fali ba makina sira, Natar Wedare badak ne’e rasik provizoriumente sei uza kanal manual/ kanu tradisional naturalmente ko’alia ona ho Ministru MAPPF atu hare ba asuntu ne’e ekipa tun ona mai hare no levantamentu lao dadauk ona fiar katak ba oin bele dezenvolve to’o iha Munisípiu Viqueque.

Xefe Grupu Natar Wedare badak sente orgullu tanba tinan barak nia laran uza deit sistema tradisional no estraga hare oan barak liu kompara ho utiliza makina modernu diak liu no hakman sira nia servisu ne’ebé mak todan durante ne’e, natar funsiona hamutuk 52 hektare, maibe rai abandona mak barak no ami nia preokupasaun mak kanal irrigasaun tanba durante ne’e uza deit kanal manual/tradisional dezde husi invazaun Portugues to’o agora ami lao nafatin husu ba MAPPF atu tau matan mos ba natar ida ne’e halo oinsa para rai sira ne’ebe abandona ne’e bele sai natar ba povu nia moris no atu sai mos kabun ba nasaun ida ne’e.

Seremonia ne’e rasik partisipa husi Reprezentatnte Ministru MAPPF, PAM, Komandante PNTL Munisípiu, DSAM Viqueque, China Aid, Funsionarius no partisipa maximu husi agrikultor sira.