Dili, 07/09/2026Ministériu Agrikultura, Pekuária, Peska no Floresta (MAPPF), liu husi Diresaun Nasional Peskiza no Estatístika (DNPE),realiza atividade análiza no validasaun dadus hodi asegura disponibilidade dadus ne’ebé loos, kompletu no viável ba apoiu planeamentu no toma desizaun iha setór agrikultura, pekuária, peska no floresta.

Iha Diskursu Diretor Jerál Servico Coorporativos Celestino da Cunha hateten, atividade ne’e sai hanesan parte importante ida husi prosesu servisu DNPE-MAPPF, liu-liu iha esforsu atu hadi’a sistema dadus no estatístika iha ministériu. Dadus ne’ebé diak no atualizadu konsidera hanesan elementu importante tebes ba governu hodi komprende situasaun real iha teritóriu no determina prioridade sira ba dezenvolvimentu setor agrikultura.

Prosesu análiza dadus la’ós de’it kona-ba kompilasaun númeru, maibé mos inklui komparasaun, klasifikasaun no interpretasaun informasaun. Liu-husi prosesu ne’e, ekipa bele identifika mudansa, tendénsia no situasaun ne’ebé presiza atensaun liu tán husi parte responsável. Dehan DJ Celestihno

Iha fatin hanesan Diretor Nasional Peskiza Estatitika, Luis Pereira esplika katak, Kualidade dadus sai prioridade importante iha atividade ne’e.

Tanba ne’e, DNPE kontinua halo esforsu atu asegura katak dadus ne’ebé rekolla tuir padraun metodolojia ida ne’ebé diak, nune’e bele fornese informasaun ho kualidade no kredivel. Ho dadus ne’ebé kualidade, bele tulun MAPPF hodi projeta ba futuru planeamentu no estratéjia hodi hasa’e produsaun bajeia ba rerjultadu peskiza ne’e deskobre iha terenu.

Durante loron 4 nia laran, peskizadór sira tur hamutuk hodi verifika no valida dadus sira hotu inklui harmonija dadus parametru observasaun sira ne’ebé rekolla iha kampu. Ida ne’e hanesan maneira ida ne’ebé peskizadór sira sempre halo hodi evita erru sira iha dadus antes ba análiza no publikasaun dadus.

Setor agrikultura iha papel importante tebes ba ekonomia no moris komunidade Timor-Leste. Tanba ne’e, papel DNPE iha responsabilidade boot hodi deskobre teknolojia foun sira ne,ebé bele tulun agrikultór sira oinsa bele hasa’e produsaun no hetan rendimentu husi atividade agrikultura nian. Dehan Diretor Luis

Diretor ne'e salienta DNPE-MAPPF, kontinua halo peskiza aliña ho politika MAPPF nian nune’e bele deskobre pakote teknolojia foun sira ne’ebé aplikavel no sustentavel hodi hasa’e produsaun agrikultura, Iha futuru esforsu hodi halo peskiza iha setór agrikultura sei koopera diak liu tan ho entidade oi-oin hanesan parseiru dezenvolvimentu nasional no Internasional, parte akademia no entidade relevante sira seluk, nune’e, dadus no estatístika bele kontinua sai instrumentu importante ba apoiu dezenvolvimentu sustentável iha setor agrikultura, pekuária, peska no floresta iha Timor-Leste.

Iha atividade analiza dadus ne'e hetan partisipasun husi Diretor Jerál Servico Coorporativos, Diretor Nasional Peskiza no Estatitika, Peskizador/a husi Nasional no Munisipiu Sira. MEDIA DMEA_MAPPF