Loron 4, fulan Setembro, tinan 2026, Representa Sekretaria Estadu ba Formasaun Profissional no Empregu – (SEFOPE), Diretor - Diresaun Nasional Empregu Estranjeiru (DNEE), João Correia Pereira, Segundu Sekretáriu Embaixada Austrália, Sr. Declan, akompaña husi Kordenador ba Labour sending Unit - LSU, parstisipa iha seremónia asina deklarasaun ba traballadór Timoroan nain 123, no sei ba servisu iha kompaña 9 mak hanesan 𝘾𝙖𝙥𝙤𝙜𝙧𝙚𝙘𝙤, 𝙛𝙧𝙚𝙨𝙝 𝘾𝙝𝙤𝙞𝙘𝙚 (𝙆𝙤𝙖𝙡𝙖 𝙁𝙖𝙧𝙢), 𝙈𝙖𝙙𝙚𝙘 𝘿𝙚𝙡𝙡𝙚𝙞𝙤𝙨, 𝘼𝙪𝙨𝙩𝙧𝙖𝙡𝙞𝙖 𝘽𝙖𝙘𝙠𝙥𝙖𝙘𝙠𝙚𝙧 𝘾𝙚𝙣𝙩𝙧𝙖𝙡, 𝙈𝙤𝙤𝙣𝙧𝙤𝙘𝙠𝙨, 𝙏𝙖𝙨𝙢𝙖𝙣𝙞𝙖 𝘽𝙚𝙧𝙧𝙞𝙚𝙨, 𝙅𝙤𝙗 𝘼𝙪𝙨𝙩𝙧𝙖𝙡𝙞𝙖, 𝙏𝙚𝙖𝙢𝙨𝙬𝙤𝙧𝙠𝙨, 𝙈𝙖𝙙𝙚𝙘 𝙈𝙞𝙡𝙚𝙩𝙞𝙠.

Iha serimonia ne’e Diretor hato’o mensajem ba trablalldor sira katak 'imi sei ba servisu iha rai Australia durante fulan 9 no tempu naruk, no imi mos sei husik hela familia, fen, laen no inan aman hodi ba buka moris iha ema nian rai.

Diretor mos husu atu servisu ho responsavelidade, no oportunidade ida ne’e atu servisu ho disiplina no hatudu atitude diak atu nune’e imi nian kontratu mai ho diak no bele haruka fila fali ba servisu.

“Agora imi ba representa rai no nasaun Timor Leste ida ne’e no imi ba hanesan traballdor no imi fila fali mai sei sai empregador iha ita nia rain, husi maneira hatene maneija osan no loke negosiu iha ita nian rai. Husu mos ba imi traballdor sira atu kumpri lei no kontratu, liliu atu respeitu regras iha servisu fatin nian.

Objetivu imi ba servisu atu hadia moris familia uma laran nian no atu labele koko halai ses husi sistema, (dehan Diretor DNEE), Ba traballdor foun sei hasoru buat foun, no atu aprende husi traballdor tuan no Alimde ne’e Diretor mos husu ba traballdor sira atu la bele aplika arte rituais ga arte marsiais iha ema nia rain, no husu mos ba familia rua atu iha konkordansia hodi bele ba servisu iha Australia, Diretor husu ba familia sira atu koidadu sira liu husi orasaun atu nune’e bele servisu ho kondisaun diak.

Diretor mos fiar katak traballdor sira ne’ebe ba servisu iha Australia bainhira fila mai iha esperansa nebe’e ke diak atu atu loke buat ruma hodi bele fo servisu fila fali ba ita nian maluk sira iha Timor sentidu katak “ imi ba hanesan traballador, no fila mai hanesan empregador, no servisu makas hodi halo buat balun iha ita nian rain, Diretor enkoraja ba traballdor sira atu prepara an no saude nebe diak hodi prontu servisu iha situasaun foun iha ema nia rain.

Ikus, Governo nian ersperansa katak governo fiar imi tenki sai susesu iha futuru tamba imi mak heroi traballdor ba Timor nian.

Iha parte seluk, reprezentante Governu Austrália, Segundo Sekretáriu Embaixada Austrália iha Timor Leste, mós hateten katak: "Programa PALM hanesan inisiativa ida ne'ebé kompleksu tebes, tanba envolve ema barak. Ne'e duni, ha'u nia parabéns ba SEFOPE no parte hotu ne'ebé servisu makas hodi halo programa ida ne'e sai posível. Austrália no Timor-Leste iha istória ne'ebé naruk kona-ba programa ida ne'e, hahu kedas iha tinan 2012 to'o agora. Períodu refere refleta Timor-Leste no Austrália nia kompromisu atu dezenvolve ekonomia ne'ebé mútua ba nasaun rua liu husi programa mobilidade laboral. Ami hatene katak atu hola parte iha programa ne'e laos fasil, kompetitivu tebes liu husi prosesu naruk; tamba ne'e, parabéns mós ba traballadór sira ne'ebé seleisionadu ona husi empregadór sira."

Reprezentante ne'e mós kontinua husu traballadór sira atu aprende no fahe mós Timor-Leste nia kultura ne'ebé bonita iha Austrália, liu-liu kria planu investimentu ba futuru hodi nune'e rekursu hotu ne'ebé imi hetan bele iha sustentabilidade ba tempu naruk, bainhira imi labele fila fali ba Austrália.