Dili, loron 11, fulan Setembro, tinan 2026, Sekretaria Estadu ba Formasaun Professional no Empregu – SEFOPE – liu husi Diresaun Nasional Empregu Estranjeiru - DNEE, Diretor João Correia Pereira, akompania husi KUBO Takahiro, Prezidente TSUNEISHI TIMOR SHIPBUILDING, UNIPESSOAL, LDA, SAKUTA Takahiko Prezidente TSUNEISHI ENGINEERING, ENDO Hiroaki, Diretór TSUNEISHI TIMOR SHIPBUILDING, UNIPESSOAL, LDA, UMAYAHARA Chitoshi Xefe de Sesaun Sede Jestaun Korporativa / Departamentu Jestaun Korporativa / Grupu Planeamentu Kustu, TSUNEISHI SHIPBUILDING Co., Ltd. no Yuka Mamekoshi TSUNEISHI TIMOR SHIPBUILDING, UNIPESSOAL, LDA. realiza serimonia asina deklarasaun ba estajiariu Timor-oan nain 10 molok halo viajen ba iha nasaun Japaun iha edifisiu City 8, Manleuana.

Dahuluk nanain Diretor ba Diresaun Nasional Empregu no Estranjeiru. João Correia Pereira, hato’o obrigado ba Kompania Tsuneishi tamba rekruta ona Joven Timor-oan hodi ba servisu iha area Konstrukasaun Ro nian iha Hiroshima, Japaun.

Tsuneishi Timor Shipbuilding (TTS) maka instalasaun ida ne'ebé estabelese iha Timor-Leste hosi Tsuneishi Shipbuilding iha tinan 2024 hodi hasa'e indústria konstrusaun ró nian iha nasaun ne'e. no Tsuneishi mos sai hanesan empreja nebe’e boot loke iha ita nian rain tan nee ita agradese. (dehan Diretor DNEE).

Oportunidade nebe’e imi hetan laos oportunidade bain bain ida, tan nee Diretor husu ba Estajiariu nain 10 tenki hatudu disiplina no fo a’an ba tempu. Tamba nasaun Japaun hanesan nasaun ida disiplinadu tebes.

Diretor mos husu ba familia rua atu iha konkordansia hodi bele ba servisu iha Japaun, parte seluk Diretor husu ba familia sira atu koidadu sira liu husi orasaun atu nune’e bele servisu ho kondisaun diak. no imi mos sei hasoru ambiente foun. Tamba ne’e Diretor enkoraja ba estajiariu nain 10 atu la bele tauk wainhira hasoru buat foun iha ema nian rain no iha servisu fatin.

Ikus Diretor hato’o obrigado ba tsuneishi tamba iha ona kompremetivu atu rekrutamentu Timoroan hodi ba buka matenek iha Japaun atu nune’e bainhira sira fila mai bele’e fahe matenek ba maluk Timoroan sira seluk. obrigado.

Iha diskursu KUBO Takahiro, hanesan Prezidente TSUNEISHI TIMOR SHIPBUILDING, UNIPESSOAL, LDA, mos hato’o parabens ba estajiariu nain 10 nebe’e atu ba Japaun.

Prezidente TSUNEISHI TIMOR SHIPBUILDING, UNIPESSOAL, LDA mos hatete agora imi nain 10 mak hili ona atu ba servisu iha area fabrika TSUNEISHI SHIPBUILDING iha Hiroshima Japaun. No entre estudante sira hotu iha sentru teknika vokasional iha Timor Leste Imi mak iha ona ba oportunidade ida ne’e, no hau hakarak imi atu senti orgullu ho ida ne’e iha tinan tolu oin mai no favor ida ida servisu maka’as aprende buat barak no hetan matenek ne’ebe folin boot, dehan Presidente TSUNEISHI SHIPBUILDING.

Iha parte seluk presidente TSUNEISHI SHIPBUILDING mos hatete “dezde programa ida ne’e hahu iha tinan 2024, Timoaoannain 21 halo sesrvisu ona iha programa hanesan imi. Sira nain 21 hotu sei servisu nafatin iha fabrika Fabrika TSUNEISHI iha Japaun, no sira hetan ona naran ne’ebe forti iha ne’eba, tamba sira iha Motivasaun boot atu hetan matebnek foun.