Manatuto , 11 Setembro_2026, Sekretaria Estadu ba Formasaun Profissionál no Empregu,liu hosi Diresaun Nasional Empregu realiza eventu Feira Kareirra no Edukasaun. Feira Karreira 2026 ofisialmente loke hosi , Diretór-Jerál ba Formasaun Profisionál no Empregu Sr. Carlito Rosário Cabral ne’ebé representa Sua Exelénsia Sekretariu Estadu ba Formasaun Profissionál no Empregu, akompaña mós hosi Diretór-Jerál Servisu koorporativus, no representa Prezidente Autoridade Munisípiu Manatuto, iha Salaun Beskem Manatuto.

Ezpozisaun Feira Kareirra professional ida ne’e hanesan atividade principal ida atu responde bá polítika Governo IX nian liu hosi SEFOPE ba implementasaun programa investimentu no diversifikasaun ekonómia, hasanak bá programa kriasaun Oportunidade servisu rai liur no rai laran.

‘’Objetivu principal hosi feira ida ne’e mak “atu tulun estudantes sira bele prepara sira nia a’an iha abilidade ne’ebé di’ak hodi kapasita sira nia a’an liu hosi Sentru Formasaun no Universidade sira nune’e bele asesu bá oportunidade serbisu iha Rai laran nomos rai Liur”

Iha intervensaun, representa PAM Munisípiu Manatuto hato'o agradese bá Sua Exelénsia Sekretáriu Estadu Formasaun Profesionál no Empregu ne’ebé representa hosi Diretór Jerál Formasaun Profissionál ne’ebé sempre hala’o eventu ne’e tinan-tinan.

Autoridade Munisípiu ne’e mós hateten oinsa alin sira atu bele assesu bá servisu iha rai laran no mós rai liur. Alin sira komesa agora kuda imi nia hanoin ne’ebé diak atu nune’e imi remata iha banko Sekundária imi mós bele kompete iha área formasaun sira.

Representa ne mós kontinua enkoraja alin estudante sira atu partisipa iha oportunidade sira hanesan ne’e ho diak. Tambá formasaun sira ne’e bele tulun ita wainhira remata imi nia eskola karik imi la kontinua ba nivel universitariu.

Iha intervensaun, Diretór Jerál Formasaun Profissionál ne’ebé representa Sua Exelénsia Sekretariu Estadu ba Formasaun Profissionál no Empregu, hateten katak programa ne’e polítika Sefope. Governu da IX tau nafatin proridade ba programa ida ne’e. Ho ida ne’e Feira Kareirra no Edukasaun ne programa tinan-tinan ka progama anuál nebe SEFOPE halo bá nia estudante sira liliu ba estudante finalista sira.

Representa ne’e mós husu ba alin estudantes sira labele baruk estuda, estuda no estuda. Programa ne'e importante bá estudante finalista sira hodi prepara imi nia a’an hodi kompete iha merkado internasional no nasional. Husu bá alin estudantes sira iha oportunidade ida ne’e karik buat ruma imi la komprinede husu.

Tamba Sefope servisu hamutuk ho parseiro lubun ida, iha ne’e FDHC, AATL, IADE exibitor sira ne’e mai ho idak-idak nia papel hodi fahe informasaun diak ba ita boot sira. Hosi Exibitor sira ne’ebé hola parte iha eventu ida ne’e atu tulun estudantes sira hodi desidi sira nia futuru liu hosi informasaun ne’eb’e sira hetan. Temi DGFP

Atividades ne’e mós sei hala’o ba loron ida, mak sei fahe informasaun liu hosi Exibitor sira no mai ho oradór sira hanesan SEFOPE, Fundo de Desenvolvimento do Capital Humano (FDCH), Instituto de Apoio ao Desenvolvimento Empresarial (IADE).

Entretantu tuir dadus husi Diretór Diresaun SEFOPE Munisípiu Manatuto , Sr. António Gilberto Manuel da Silva Bráz hateten, estudante hirak ne’ebé partisipa iha feirra ne'e Estudante Desimu Segundu Anu ka Finalista hosi ESG no ETV .(Escola 5) Totál Estudante hamutuk 404 komposto hosi Mane total 200, Feto 204 Estudante finalista sira hosi Eskola Sekundária sira iha Munisípiu Manatuto.

Exibitor hamutuk 19 mak partisipa iha feirra kareira no edukasaun ne’ebé hala’o iha Munisípiu Manatuto, mak hanesan; AATL, Sentru Foinsae,FDCH,Bombeiros, Tilofe, BNU,BNCTL, CVTL, Serve IP, IADE, Produto Lokál, Sentru STA Isabel, Telemor, Estatistika, Centru Tibar, SOLS, PNTL, SEFOPE, GFD.

Atividade ne’e partisipa mós hosi Komandante PNTL, APA Manatuto Vila, Diretores Nasionais, Diretores Servisu Municipal no Diretores Delegasaun Territoriál Presente, Diretores da Eskola, Professores Estudantes no Funsionáriu sira