𝗘𝗿𝗺𝗲𝗿𝗮,𝟭𝟮 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲

Primeiru-Ministru, Kay Rala Xanana Gusmão, hamutuk ho Ministru Obras Públikas, Samuel Marçal, ofisialmente lansa fatuk dahuluk bá Projetu Rehabilitasaun Estrada Humboe to'o Ermera Vila Antiga. Seremónia lansamentu ne'e hala'o iha Ermera Vila Antiga.

Iha nia diskursu, PM Xanana hateten katak projetu rehabilitasaun estrada ne'e hanesan investimentu importante ida husi Governu atu hametin konektividade, fasilita asesu bá merkadu, saúde no edukasaun nomos hamenus izolamentu bá komunidade sira iha Munisípiu Ermera.

Ministru Obras Públikas , garante katak projetu ne'e sei hala'o tuir padraun kualidade ne'ebé aas hodi garante durabilidade estrada nian no fó benefísiu bá populasaun durante tinan barak. Governu liuhusi MOP sei kontinua implementa projetu infraestrutura sira iha territóriu tomak hodi apoia dezenvolvimentu nasionál no hadi'a moris povu nian.

Partisipa iha serimónia ne'e Membru Governu sira, Deputadu sira husi Parlamentu Nasionál, Prezidente Autoridade Munisípiu Ermera, Reprezentante Igreja Katólika, Padre no Madre sira, Autoridade Lokál, Líder Komunitáriu, no Estudante sira.

https://sdi.gov.tl/ministerio/presrealease/create

𝗠𝗶́𝗱𝗶𝗮-𝗠𝗢𝗣