Asuntu : 𝐉𝐋𝐀 𝐀𝐝𝐯𝐨𝐠𝐚𝐝𝐨𝐬 𝐞 𝐂𝐨𝐧𝐬𝐮𝐥𝐭𝐨𝐫𝐞𝐬 𝐡𝐚𝐬𝐨𝐫𝐮 𝐦𝐚𝐥𝐮 𝐡𝐨 𝐕𝐢𝐬𝐞-𝐏𝐌 𝟐𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓 Objetivu husi enkontru ne’e mak atu hametin apoiu jurídiku ba investidór sira, setór privadu no organizasaun sira, no mós atrai interese internasionál boot liu iha Timor-Leste. JLA Advogados e Consultores nia misaun mak atu fornese serbisu jurídiku exelente, kontribui ba dezenvolvimentu lejislativu, institusionál, ekonómiku, no sosiál Timor-Leste nian no dezenvolvimentu profisionál timoroan ho kualidade iha setór jurídiku. Ami iha kompromisu atu apoia ami nia kliente sira ho solusaun legál sira ne'ebé inovativu no efetivu. Harii iha loron 25 Setembru 2014, JLA, Advogados e Consultores, Lda. (“JLA”) hanesan empreza advogadu timoroan no konsultór jurídiku, jestaun, no dezenvolvimentu sosiál. Dezde ninia fundasaun, JLA estabelese nia-an hanesan líder ida iha merkadu legál Timor-Leste nian, forma parseria ho instituisaun internasionál prestijiadu sira. JLA hetan rekoñesimentu husi Chambers and Partners nu’udar empreza advogadu ida ne’ebé prestijiadu liu iha Timor-Leste. Rekoñesimentu ida-ne’e reflete kualidade hosi asisténsia legál ne’ebé fornese ba programa no projetu úniku sira iha nasaun ne’e. JLA mantein relasaun privilejiadu sira ho empreza advogadu internasionál sira ne'ebé prestijiadu, liuliu iha Portugál, España, Makau, Hong Kong, Mosambike, no Austrália, hodi hametin sira nia prezensa no operasaun globál sira. JLA dedikadu atu promove kualidade, inovasaun, no integridade iha setór jurídiku Timor-Leste nian, kompromete ba futuru ida ne ebé robustu no efisiente liu.
Data Publica : 25 Sep 2025
Descrisaun :
==============
Advogadu sira husi JLA Advogados e Consultores ne’ebé lidera husi sira nia Parseiru Jerente (Managing Partner), Lukeno Ribeiro Alkatiri hasoru malu ho Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay iha Faról-Dili, Kuarta, 24 Setembru 2025.