𝐍𝐀𝐍𝐍𝐈𝐍𝐆, 𝟏𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 –Iha marjen partisipasaun Timor-Leste nian iha 23rd China-ASEAN Expo (CAEXPO), Ministru Komérsiu no Indústria, Sr. Nino Pereira, hamutuk ho delegasaun sira husi TL, hasoru malu ho Sekretáriu Partidu Komunista Xina iha Rejiaun Guangxi, Nanning.

Iha Enkontru bilaterál ne'e Rejiaun Autonoma Guangxi, Xina, reafirma apoiu forte ba Timor-Leste liuhusi kooperasaun Governu ho Governu, setór privadu no investimentu.

Ministru Nino Pereira sublinha katak partisipasaun Timor-Leste iha CAEXPO sei fó oportunidade bo’ot atu hametin kooperasaun ekonomia. Áreas prioridade mak prosesamentu agríkola, manufatureira, indústria renovavel, materiál konstrusaun no turizmu.

Ministro mos hato’o apresiasaun ba Governu Guangxi nian tanba organizasaun susesu espozisaun bo’ot ne’e, ne’ebé fó plataforma estratéjiku atu promove relasaun bilateral, atrai investimentu no loke oportunidade negósiu.

Guangxi, rejiaun besik liu ho ASEAN ho populasaun liu millaun 50, sai merkadu potensial ba produtu Timor-Leste hanesan kafé, agrikultura no manufatura ki’ik. Iha CAEXPO tinan ne’e, Timor-Leste partisipa ho delegasaun hamutuk empreza 10 resin atu hatudu produtu lokál no esplora parseria ho kompañia husi Xina no ASEAN.

Fonte Imajen: Tatoli

𝙈𝙚𝙙𝙞𝙖 𝙈𝘾𝙄

See less