Dili, 16 Setembru 2026

Ministru Transportes no Komunikasaun, Eng.Miguel Marques Gonçalves Manetelu partisipa iha reuniaun Konsellu Ministru Kuarta ne’e iha Palásiu Governu.

Reuniaun Konsellu Ministrus kuarta ne’e hahú ho aprezentasaun husi Governadór Banku Sentrál Timor-Leste (BCTL), Helder Lopes, kona-bá dezempeñu Fundu Petrolíferu durante semestre dahuluk tinan 2026. Revizaun Ekonómika husi semestre dahuluk tinan 2026 no rezultadu husi Relatóriu Avaliasaun Mútua kona-bá medidas kombate brankeamentu kapitál no finansiamentu terrorizmu iha Timor-Leste.

Fundu Petrolíferu, iha finál-juñu 2026, rejista saldu maizumenus dolar amerikanu biliaun 18,43, kompara ho dolar amerikanu biliaun 18,31 ne’ebé rejista iha trimestre dahuluk nia rohan. Iha trimestre daruak, investimentu Fundu ne’e rejista retornu maizumenus dolar amerikanu millaun 719, liuliu impulsiona husi dezempeñu investimentu iha asaun. Iha semestre dahuluk, transfere ona dolar amerikanu millaun 800 husi Fundu ne’e hodi finansia despeza Orsamentu Jerál Estadu. Aprezentasaun ne’e destaka mós redusaun reseita petrolífera no importánsia ne’ebé aumenta husi rendimentu investimentu bá sustentabilidade no prezervasaun patrimóniu Fundu nian.

https://sdi.gov.tl/ministerio/presrealease/create

𝐌é𝐝𝐢𝐚 𝐌𝐓𝐊