Asuntu : SEFOPE ho Governu Austrália deskuti Estratejia ba Kandidatu PALM Scheme. Dili loron 22, fulan Setembru tinan 2025, Sekretariu Estado ba Formasaun Profissionál no Empregu, sua Exelénsia Rogério Araújo Mendonça L.Ed, sorumutu ho Governu Austrália liu husi Departament of Foreing Affairs and Trade (DFAT), hodi deskuti kona-ba estratejia oinsá mak bele aumenta kandidatu traballador PALM scheme ne'ebé naran iha sistema Work Ready Pool. Hafoin remata diskusaun Sekretariu Estadu hateten, sorumutu ne'e governu Austrália mk realiza no konvida mós SEFOPE hodi deskuti kle'an kona-ba envolvimentu Timor-Leste rasik iha programa PALM. "Enkontru ba loron ohin importante tebes, tanba hetan konvite husi Governu Austrália liu husi DFAT, ne'ebé mak partisipa husi PLMSP-Camberra no Brisbane, hodi ko'alia liubá programa PALM nian, husi enkontru ida ne'e foka mós ba estratejia governu Timor Leste hola parte iha PALM ne'e rasik," Dehan sekretariu Estadu iha PALM Spring Dili. Sekretariu Estadu akresenta katak, sorumutu ida ne'e mós ko'alia kona-ba, oinsá mak governu rai rua buka solusaun ida ne'ebé hodi bele aumenta numeru traballadór iha nasaun Austrália no oinsá mk kria kondisaun ida ne'ebé di'ak ba kandidatu sira ne'ebé iha ona sistema Work Ready Pool. "Ohin ita ko'alia no buka solusaun no oinsá mak prepara ita-nia kandidatus sira ne'ebé atu ba servisu ne'e ho kondisaun di'ak, liuliu hare ba ita-nia kandidatu sira ne'ebé iha sistema Work Ready Pool, ne'ebé mak seidauk asesu ba formasaun, oinsá parte governu Timor-Leste no Austrália bele buka solusaun atu bele hasa'e kapasitasaun ba iha ita-nia joven sira ne'e bele kompete ba merkadu traballu ba rai liur nian liu-liu iha Nasaun Austrália," tenik Sekretriu Estadu. Iha sorumutu ne'e partisipa husi primeira Sekretaria Embaixadora Austrália iha Timor-Leste, Penny Roberts, Director ba Labour Mobility Branch Marlon Butler, Thomas Loporto Policy Advocacy Manager ba Labour Mobilty Branch, Lewis no Jasmine husi PLMSP Brisbane
Data Publica : 25 Sep 2025
Descrisaun :
