𝟐𝟐 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔

==============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, hala’o enkontru ho Embaixadór Uniaun Europeia iha Timor-Leste, Thorsten Bargfrede akompañadu husi Xefe Kooperasaun foun Delegasaun Uniaun Europeia iha Timor-Leste, Sr. Jerome Pons, iha Gabinete Vise-Primeiru-Ministru, Farol, Díli, Tersa, 22 Setembru 2026.

Enkontru ne’e hala'o iha ámbitu vizita Sr. Jerome Pons iha Timor-Leste, hosi loron 21 to’o 24 Setembru 2026, no parte hosi prosesu konsultasaun kona-bá programasaun parseria internasionál Uniaun Europeia ba períodu pós-2027.

Durante enkontru, Vise-Primeiru-Ministru no delegasaun Uniaun Europeia diskute prioridade dezenvolvimentu Timor-Leste iha médiu prazu, oportunidade sira ba kooperasaun futuru, no área sira ne’ebé parseria ho Uniaun Europeia no Estadu-Membru sira ba dezenvolvimentu ekonómiku nasaun nian.

Pontu importante ida iha diskusaun mak kona-bá Akordu Parseria Ekonómika entre Timor-Leste no Uniaun Europeia, ne’ebé konsidera nu’udar elementu importante ba parseria ekonómika futuru entre parte rua.

See less