𝗗𝗶𝗹𝗶, 𝟭𝟲 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲

Ministru Obras Públikas, Samuel Marçal, hamutuk ho membru Governu sira seluk hala'o audiénsia ho Komisaun Finansas Públikas iha Parlamentu Nasionál hodi diskute Proposta Lei Númeru 29/VI (3.ª) - Rejime Jerál Taxa Administrativa sira.

Audiénsia ne'e hala'o iha sala Plenária Parlamentu Nasionál ho objetivu atu rona hanoin no esklaresimentu husi Governu kona-bá implementasaun rejime foun taxa administrativa sira nian iha administrasaun públika.

Iha diskusaun, Ministru Samuel Marçal aprezenta pontu sira ne'ebé relasiona ho kompeténsia MOP, liu-liu kona-bá taxa sira ne'ebé iha ligasaun ho servisu lisensiamentu, utilizasaun espasu públiku, ligasaun bee-moos no eletrisidade.

Audensia ho komisaun Finansas Públikas Ministru Obras Públikas akompaña husi Vise-Ministru Infraestrutura, Júlio do Carmo, Prezidente Konsellu Administrasaun no Komisaun Ezekutiva, BTL, E.P. (Bee Timor-Leste), Gustavo da Cruz, Prezidente Konsellu Administrasaun no Komisaun Ezekutiva EDTL, E.P. (Eletricidade de Timor-Leste), Paulo da Silva, Prezidente Konsellu Administrasaun IGE-ADI, I.P. (Instituto de Gestão de Equipamentos e Aprovisionamentu para o Desenvolvimento Infraestrutura), Ana Paula da Cruz,Diretór-Jerál Habitasaun no Urbanizmu (DGHU) iha Ministériu Obras Públikas (MOP), Domingos de Jesus Sequeira Inklui kargu xefia sira iha MOP.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*