𝗗𝗶𝗹𝗶, 𝟮𝟱 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲

Primeiru-Ministru Repúblika Demokrátika Timor-Leste, Kay Rala Xanana Gusmão, akompaña husi ekipa tékniku Ministériu Obras Públikas (MOP), Kinta-feira ohin hala'o monitorizasaun direta bá konstrusaun Ponte Maufelu.

Vizita ne'e ho objetivu atu haree besik progresu obra, asegura kualidade konstrusaun tuir padraun tékniku no garante obra remata tuir tempu ne'ebé determina iha kontratu.

Ponte Maufelu nu'udar infraestrutura importante ne'ebé sei konekta komunidade sira, fasilita asesu bá eskola, fasilidade saúde, merkadu no fasilita transporte produtu agrikultura bá sentru ekonomia sira.

Primeiru-Ministru husu bá kompañia konstrutora no ekipa fiskalizasaun atu servisu ho responsabilidade, mantein kualidade no seguransa hodi asegura ponte ne'e dura metin nomos benefisia komunidade bá tempu naruk.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*