𝐃í𝐥𝐢, 𝟐𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Ministériu Komérsiu no Indústria ne’ebé lidera husi S.E. Sr. Nino Pereira, hala’o sorumutu ho Ekipu Revizaun Estratéjiku UNDP, Sra. Niamh Collier-Smith (UNDP Resident Representative iha Tailândia), Sra. Paola Piccione no Sr. Robert Frago (Country Programme Specialist, RBAP).

Iha sorumutu ne’e, parte sira reafirma parseria forte entre Timor-Leste no UNDP, hanesan apoiu ba fortalesimento institusaun, dezenvolvimentu sustentável, rezilénsia no kapasidade nasional.

Delegasaun UNDP subliña katak mundu kooperasaun dezenvolvimentu internasionál agora iha mudansa bo’ot, no sistema global mos sai fragmentadu. Nune’e, presiza reforma institusaun multilateral atu responde ba dezafiu global foun.

Ekipu RBAP hanesan objetivu atu ajuda UNDP Country Office iha Timor-Leste hodi prepara estrutura no kapasidade ne’ebé apropriadu atu implementa Country Programme 2026–2030.

Ministériu Komérsiu no Indústria hatudu katak, diskusaun ne’e mak oportunidade diak tanba Timor-Leste iha faze tranzisaun ekonomia.

Ministru Nino Pereira subliña, Dezenvolvimentu ekonomiku lokal integradu presija suporta husi UNDP, governu, munisipiu, MSME, grupu feto, juventude, kooperativa, instituisaun finanseiru no agénsia governu. Transformasaun dijital presija konsidera hanesan agenda reforma governu no mos agenda dezenvolvimentu setor privadu.

“𝘕𝘶𝘯𝘦’𝘦, 𝘪𝘵𝘢 𝘣𝘦𝘭𝘦 𝘧ó 𝘰𝘱𝘰𝘳𝘵𝘶𝘯𝘪𝘥𝘢𝘥𝘦 𝘧𝘰𝘶𝘯 𝘣𝘢 𝘫𝘶𝘷𝘦𝘯𝘵𝘶𝘥𝘦, 𝘩𝘢𝘮𝘦𝘵𝘪𝘯 𝘱𝘳𝘰𝘥𝘶𝘴𝘢𝘶𝘯 𝘭𝘰𝘬𝘢𝘭, 𝘯𝘰 𝘧ó 𝘬𝘰𝘯𝘵𝘳𝘪𝘣𝘶𝘪𝘴𝘢𝘶𝘯 𝘣𝘢 𝘪𝘯𝘵𝘦𝘨𝘳𝘢𝘴𝘢𝘶𝘯 𝘦𝘬𝘰𝘯𝘰𝘮𝘪𝘬𝘶 𝘳𝘦𝘫𝘪𝘰𝘯𝘢𝘭.”

Ministru akresenta tan MSMEs, mak fator sentral ba dezenvolvimentu ekonomia, tanba fó oportunidade empregu, emprendedurismu, produsaun lokal no partisipasaun ekonomia. Maibé MSMEs enfrenta limitasaun kapasidade jestaun, asesu ba teknologia no merkadu.

UNDP reafirma ninia kompromisu atu apoia Timor-Leste liuhosi Programa sira ne’ebé foka ba dijitalizasaun, kapasitasaun umanu, no oportunidade ekonómika inkluzivu.

Partisipa iha sorumutu ne’e DG Komérsiu no Indústria, Diretor Nacional Dezenvolvimento Indústria, Koordenador GCPeR no asesor sira, hala'o sorumutu ho delegasaun sira husi UNDP.

𝙈𝙚𝙙𝙞𝙖 𝙈𝘾𝙄

See less