𝗖𝗼𝘃𝗮𝗹𝗶𝗺𝗮, 𝟮𝟱 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲 – Ministeriu Komérsiu no Indústria liuhosi Diretor Jeral Industria, Sr. Jorge Ferreira, hala’o vizita ba Empreza Vitoria ba Moris Diak iha Munisípiu Covalima.

Objetivu hosi Vizita ne’e atu fó motivasaun ba grupu produtu lokal, no mos koalia ho sira kona-ba oinsá bele kontinua promove produtu Timor-Leste.

Diretor Jeral Industria hateten katak prezensa governu iha atividade hanesan ne’e mak fó hanoin ba sira atu trata lisensiamentu setor relevante, hodi garante kualidade no valorizasaun produtu lokal. Empreza ne’e mak fó kontribuisaun importante liuhosi produsaun Ai tahan ne’ebé transforma ba aimoruk tradisionál, hanesan parte husi esforsu diversifikasaun produtu lokal.

Durante vizita, ekipa Ministeriu Komérsiu no Indústria fó apresiasau ba grupu ne’ebé kompostu husi ema nain rua-nulu resin lima (25), ne’ebé servisu iha produsaun lokal. Prezensa governu mos fó motivasaun ba sira atu kontinua dezenvolve atividade produsaun, no prepara ba prosesu lisensiamentu setorial.

𝙈𝙚𝙙𝙞𝙖 𝙈𝘾𝙄

See less