𝟐𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔

==============

Primeiru-Ministru, Kay Rala Xanana Gusmão, hasoru Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha Gabinete Vise-Primeiru-Ministru, Farol, Díli, Kinta, 24 Setembru 2026, hodi ko’alia kona-bá koordenasaun servisu no mós prioridade dezenvolvimentu nasionál. Iha momentu hanesan, Vise-Primeiru-Ministru, prezide Reuniaun Interministeriál kona-bá Asuntu Ekonómiku no ASEAN.

Reuniaun ne’e fó énfaze ba esforsu Governu nian atu hametin koordenasaun entre Ministériu no instituisaun relevante sira, liuliu iha preparasaun no implementasaun ajenda ekonómika Timor-Leste nian iha kontestu ASEAN.

Reuniaun ne’e envolve membru Governu sira mak hanesan Ministru Komérsiu no Indústria, Filipus Nino Pereira, Vise Ministru Komérsiu no Indústria, Augusto Júnior Trindade, Ministru Transporte no Komunikasaun, Miguel Marques Gonçalves Manetelu, Sekretáriu Estadu Peska, Domingos da Conceição dos Santos, Sekretáriu Estadu Kooperativa, Arsénio Pereira da Silva, Sekretáriu Estadu Floresta, Fernandino Vieira, reprezentante Ministériu Negósiu Estranjeiru no Kooperasaun no entidade relevante sira.

See less