𝐃í𝐥𝐢, 𝟏𝟔 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 || Sekretaria Estadu Pekuária (SEPE), 𝐒𝐮𝐚 𝐄𝐱𝐜𝐞𝐥é𝐧𝐬𝐢𝐚 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨. 𝐋𝐢𝐜. C𝐒𝐇, 𝐋𝐢𝐜. 𝐃𝐢𝐫., 𝐌𝐃., 𝐌.𝐀𝐏, no Australian Centre for International Agricultural Research (𝐀𝐂𝐈𝐀𝐑) diskute prioridade peskiza no inovasaun iha setor pekuária, ho objetivu atu kontribui ba esforsu Governu hodi hasa’e produsaun pekuária iha Timor-Leste.

Diskusaun Entre 𝐒𝐮𝐚 𝐄𝐱𝐜𝐞𝐥é𝐧𝐬𝐢𝐚 ho 𝐃𝐫. 𝐍𝐢𝐜𝐤 𝐇𝐚𝐫𝐫𝐢𝐬, ho Xefia kargu sira iha diresaun, koalia liu Livestock Research Program Manager husi (𝐀𝐂𝐈𝐀𝐑), ne’ebé mai Timor-Leste atu haree diretamente programa peskiza (𝐀𝐂𝐈𝐀𝐑) iha área livestock, inklui projetu 𝐁𝐑𝐔𝐂𝐄-𝐓𝐋, 𝐁𝐄𝐍 𝐒𝐭𝐮𝐝𝐲 no projetu sira seluk ne’ebé tama iha portfolio (𝐀𝐂𝐈𝐀𝐑) iha Timor-Leste.

𝐃𝐫. 𝐍𝐢𝐜𝐤 𝐇𝐚𝐫𝐫𝐢𝐬, mós halo introdusaun kona-ba nia responsabilidade iha Australian Centre for International Agricultural Research (𝐀𝐂𝐈𝐀𝐑), no hato’o interese atu komprende liután prioridade peskiza pekuária Timor-Leste liliu liga ba ai han animal, inklui área sira ne’ebé Governu konsidera importante no área sira ne’ebé presiza dezenvolve liután iha futuru.

Tuir Sekretaria Estadu Pekuária , Antes atu reativa fali programa Redi-Kamodi iha fatin sira ne’ebé programa implementa ona, maibe presiza halo peskiza ba programa anterior hodi atu identifika produsaun ai-han animal ne’ebé antes kultiva ona husi grupo komunitaria sira ho objetivo atu buka hatene problemas produtos ai han balun ne’ebe mak animal la konsumu no atu halo mapamentu kultivasaun area potensial sira iha Timor-Leste.

Iha Fatin Hanesan Diretor-Jeral Pekuária mós husu programa no rezultadu peskiza ne’ebé dezenvolve hamutuk ho ACIAR bele implementa mós iha Centru Dezenvolvimentu no Treinamentu Pekuária (CDTP) lima (5) ne’ebe iha ona , nune atu sai fatin pratiku ba treinamentu, demonstrasaun, teste teknologia no dezenvolvimentu sistema produsaun animal.

Iha enkontru ne’e, Diresaun Nasionál Veterinária (DNV) hato’o prioridade Programa iha área saúde no produsaun animal, no sei kontinua aprezenta prioridade sira ba SEPE atu sai baze ba diskusaun téknika ho parseiru peskiza.