𝐃𝐢𝐥𝐢, 𝟏𝟖 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 || Sekretaria Estadu Pekuária (SEPE), 𝐒𝐮𝐚 𝐄𝐱𝐜𝐞𝐥é𝐧𝐬𝐢𝐚 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨.,𝐋𝐢𝐜., C𝐒𝐇., 𝐋𝐢𝐜., 𝐃𝐢𝐫., 𝐌𝐃., 𝐌.𝐀𝐏. Marka Presensa iha Simpóziu ne’ebe organiza husi 𝐌𝐞𝐧𝐳𝐢𝐞𝐬 𝐒𝐜𝐡𝐨𝐨𝐥 𝐨𝐟 𝐇𝐞𝐚𝐥𝐭𝐡 𝐑𝐞𝐬𝐞𝐚𝐫𝐜𝐡, hamutuk ho 𝐌𝐢𝐧𝐢𝐬𝐭é𝐫𝐢𝐮 𝐒𝐚ú𝐝𝐞 no 𝐌𝐢𝐧𝐢𝐬𝐭é𝐫𝐢𝐮 𝐀𝐠𝐫𝐢𝐤𝐮𝐥𝐭𝐮𝐫𝐚, 𝐏𝐞𝐤𝐮á𝐫𝐢𝐚, 𝐏𝐞𝐬𝐤𝐚𝐬 𝐧𝐨 𝐅𝐥𝐨𝐫𝐞𝐬𝐭𝐚 (𝐌𝐀𝐏𝐏𝐅),liu husi Sekretaria Estadu Pekuária ho objetivu atu hametin kolaborasaun no abordajen One Health iha Timor-Leste.

Simpóziu ne’e sai nu’udar espasu importante atu fahe esperiénsia, rezultadu peskiza no evidénsia sira, no hametin kooperasaun entre setór saúde, pekuária no ambiente. Abordajen 𝗢𝗻𝗲 𝗛𝗲𝗮𝗹𝘁𝗵, 𝗢𝗻𝗲 𝗔𝗦𝗘𝗔𝗡, konsidera katak saúde umana, saúde animal no saúde ambientál iha relasaun besik malu no presiza resposta integradu husi parte hotu.

Sekretáriu Estadu Pekuária 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨 iha nia diskursu hateten, simpóziu ne’e importante atu diskute kona-ba konseitu “𝙊𝙣𝙚 𝙃𝙚𝙖𝙡𝙩𝙝, 𝙊𝙣𝙚 𝙏𝙞𝙢𝙤𝙧 𝙖𝙣𝙙 𝙊𝙣𝙚 𝘼𝙎𝙀𝘼𝙉”, ho komitmentu atu kontinua servisu hamutuk entre instituisaun no parseiru sira.

Tuir SEPE, kolaborasaun entre área saúde umana, saúde animal no saúde ambientál presiza kontinua haforsa, tanba kooperasaun ne’e bele kontribui ba dezenvolvimentu no bem-estar povu, no fó impaktu pozitivu ba Nasaun Timor-Leste.

Deputy Director Research husi Menzies School of Health Research, 𝐉𝐨𝐬𝐡 𝐅𝐫𝐚𝐧𝐜𝐢𝐬, hateten katak nia kontente tebes bele partisipa iha simpóziu kona-ba One Health, One ASEAN. Nia mós hato’o apresiasaun tanba iha oportunidade atu aprende no rona diretamente husi Timor-oan sira, no haree esforsu atu haforsa sistema saúde no dezenvolve peskiza ne’ebé bazeia ba prioridade nasional.

“Ha’u kontente tebes hodi partisipa iha simpóziu ida-ne’e. Ha’u aprende no rona husi Timor-oan sira, no haree oinsá ita bele haforsa sistema saúde, halo peskiza bazeia ba prioridade nasional, no hametin liután kolaborasaun no amizade entre ita hotu,” dehan 𝐉𝐨𝐬𝐡 𝐅𝐫𝐚𝐧𝐜𝐢𝐬.

Simpóziu ne’e hetan partisipasaun direta husi parseiru internasionál sira, akademista no peskizadór husi universidade sira iha Dili, reprezentante instituisaun governamentál no parte relevante sira iha setór saúde,Marka Prezensa mos husi 𝐏𝐫𝐨𝐟. 𝐃𝐫. 𝐍𝐞𝐥𝐬𝐨𝐧 𝐌𝐚𝐫𝐭𝐢𝐧𝐬, 𝐒𝐞𝐧𝐢𝐨𝐫 𝐓𝐞𝐜𝐡𝐧𝐢𝐜𝐚𝐥 𝐀𝐝𝐯𝐢𝐬𝐨𝐫 𝐢𝐡𝐚 𝐌𝐞𝐧𝐳𝐢𝐞𝐬 𝐒𝐜𝐡𝐨𝐨𝐥 𝐨𝐟 𝐇𝐞𝐚𝐥𝐭𝐡 𝐑𝐞𝐬𝐞𝐚𝐫𝐜𝐡 (𝐌𝐞𝐧𝐳𝐢𝐞𝐬-𝐓𝐋). .ne’ebé hamutuk ho partisipante sira fahe koñesimentu, esperiénsia no perspetiva kona-ba importánsia abordajen One Health.