Díli, 24 Setembru 2026

Diretór Jerál Transportes, Ministériu Transportes no Komunikasaun, Constantino Ferreira Soares, hamutuk Prezidente ANATL, Romualdo António Soares da Silva hamutuk ho Project Management Consultant (PMC), inklui parseirus relevante sira ne’ebé inklui iha Projetu Estratéjiku ne’e, halo inspensaun bá Projetu Dezenvolvimentu Jerál iha Aeroportu Internasionál Prezidente Nicolau Lobato (AIPNL) Dili.

Inspensaun iha AIPNL Dili halo atu haree progresu obra no rona komentáriu husi enjenieiru sira nomos fó notifikasaun bá kompañia responsável atu asegura projetu lao tuir planu mestre Dezenvolvimentu no Espansaun Aeroportu Internasionál Prezidente Nicolau Lobato. Projetu ne’e sei moderniza no hadi’a infraestrutura aeroportu tuir padraun internasionál, inklui taxiway, pista, área demolisaun, sistema protesaun, terminál pasajeiru no torre kontrolu foun.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊