𝐍𝐨𝐧𝐠𝐤𝐨𝐣𝐚𝐣𝐚𝐫 𝟐𝟓, 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 || Iha enkontru ho 𝐊𝐨𝐩𝐞𝐫𝐚𝐬𝐢 𝐏𝐞𝐭𝐞𝐫𝐧𝐚𝐤 𝐒𝐚𝐩𝐢 𝐏𝐞𝐫𝐚𝐡 (𝐊𝐏𝐒𝐏) 𝐒𝐞𝐭𝐢𝐚 𝐊𝐚𝐰𝐚𝐧 𝐍𝐨𝐧𝐠𝐤𝐨𝐣𝐚𝐣𝐚𝐫,iha Pasuruan, Jawa Timur., Sua Excelénsia Sekretáriu Estadu Pekuária, José Vieira de Araújo. Lic. CSH., Lic. Dir. MD., M.AP., hato’o apresiasaun no agradese ba estrutura KPSP Setia Kawan tanba prontidaun atu fahe koñesimentu, esperiénsia no teknolojia ba Timor-Leste, liuliu iha dezenvolvimentu subsetór pekuária .

Iha oportunidade ne’e, Sekretáriu Estadu Pekuária subliña katak Timor-Leste iha interese atu hametin ligasaun téknika no fahe koñesimentu ho 𝐊𝐨𝐩𝐞𝐫𝐚𝐬𝐢 𝐏𝐞𝐭𝐞𝐫𝐧𝐚𝐤 𝐒𝐚𝐩𝐢 𝐏𝐞𝐫𝐚𝐡 (𝐊𝐏𝐒𝐏) 𝐒𝐞𝐭𝐢𝐚 𝐊𝐚𝐰𝐚𝐧 𝐍𝐨𝐧𝐠𝐤𝐨𝐣𝐚𝐣𝐚𝐫, liuliu iha área dezenvolvimentu kooperativa ne’ebe mak hare ba servisu prosesamento produsaun susu been husi karau.

Kooperasaun entre Timor-Leste no KPSP Setia Kawan Nongkojajar konsidera hanesan oportunidade importante atu haforsa dezenvolvimentu subsetór pekuária, liuhusi transformasaun konesementu teknika ba grupo hakiak nain sira iha Timor-Leste.

SEPE mós hatoo interese atu dezenvolve kooperasaun neebé konkretu, inklui transferénsia koñesimentu teknika no teknolojia, formasaun ba funsionarios teknika no grupo hakiak nain sira.

Iha sorin seluk Ketua KPSP Setia Kawan Nongkojajar 𝐈𝐫. 𝐇. 𝐒𝐮𝐥𝐢𝐬𝐭𝐲𝐚𝐧𝐭𝐨, 𝐒𝐄, hato’o prontidaun atu kontinua fahe koñesimentu, esperiénsia no prátika di’ak ho Timor-Leste, liuliu iha área ne’ebé bele kontribui ba haforsa kapasidade produtor no dezenvolvimentu sustentável iha subsetór pekuária.

Tuir nia, Nongkojajar iha populasaun hamutuk 56.000 ema, no maizumenus 11.000 ema envolve diretamente iha atividade kooperativa. Situasaun ne’e hatudu katak atividade kooperativa no setór pekuária iha papel importante iha moris no fonte rendimentu komunidade lokal nian iha fatin produsaun refere.

Kooperativa mós fó atensaun boot ba saúde animal, liuliu prevensaun no kontrolu moras ne’ebé bele afeta produtividade. Liuhusi apoiu tékniku, tratamentu no fornese medikamentu, produtor sira bele mantén saúde animal no sustenta produtividade pekuária.