𝐂𝐨𝐯𝐚𝐥𝐢𝐦𝐚, 14 Setembru 2026|| Ministério da Agricultura, Pecuária, Pesca e Florestas (MAPPF), Liu husi 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬(SEF), Realiza sensibilizasaun ba komunidade sira konaba protesaun no konservasaun rekursus florestais, ai-laran no biodiversidade sira hotu, iha Suku Beco, Postu Administrativu Suai, Munisípiu Covalima.

Governu liu husi Ministério da Agricultura, Pecuária, Pesca e Florestas (MAPPF), 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬(SEF), kontinua realiza sensibilizasaun ne'e ho objetivu atu hasa'e koñesimentu no konsiensia, muda hahalok, tau importansia ba protesaun no konservsaun rekursus naturais sira hotu iha Munisípu Covalima

Importansia husi realiza programa sensibilizasaun ne'e atu fahe informasaun no eduka ba komunidade sira hotu konaba protesaun no konservasaun rekursus Florestais no Flora-Fauna tanba ne'e patrimoniu natural. Komunidade sira hotu prevene evita Tesi ai, Sunu Rai no Kasa animal fuik no destroisaun habitat.

Konservasaun Be'e no Rai, Florestas, ai-laran sira ne'e iha papél importante atu, Prevene erosaun no degradasaun rai, aumentu infiltrasaun bee ba rai no redus sedimentasaun no risku inudasaun bainhira akontese. Apoiu agrikultura sustentavel, protesaun Florestal, ai-laran sira tenke liga ho moris agricultura. Pratika Agrofloresta kombina ai horis no atividade agricultura bele ajuda Komunidade hetan produtus ekónomia, maibe rai no ekosistema nafatin protejidu.

Politika Nonu Governo Konstitusional nian Konaba Diversifikasaun ekonómia no dezenvolvimentu sustentavel bele implementa liu husi rekursus florestais ne'ebé jere no responsabilidade. Komunidade bele dezenvolve ai fuan, Ai komersial hodi hadia ekonómia familia uma laran.

Sensibilizasaun ne'e sai hanesan mekanismu edukasaun ambiental, partisipasaun komunidade, prevensaun destroisaun Florestais responsabilidade kolektivu, Governu, autoridade lokal lideransa komunitaria, juventude, feto no agricultor sira tenki servisu hamutuk hodi transforma Komunidade sira iha Suku Beco sai Komunidade Guarda Floresta no promotor ekonómia verde, iha ita nia rai.

Enkuantu partisipa iha Sensibilizasaun ne'e Reprezentante Sua Excelência SEF, husi Chefe Reprezentasaun Territorial Floresta Munisipio Covalima. Diretor Agrikultura Munisipio Covalima, Komandante PNTL Munisipio Covalima, Diretor APC Municipio Covalima, Komandante Eskuarda Posto Suai, no Administrador Postu Administrativu (APA) Suai, Partisipa mós Veteranu/a sira no lia nain Inklui Komunidade sira hotu.