Tutuala, 17 Setembru 2026|| Corpu Guarda Florestal Posto Adminitrativu Tutuala nafatin asegura Bibi Rusa Sira bainhira mosu bailoron naruk ne'ebé akontese iha Ilha Jaco, Munisípiu Lautém.

Iha tempu bailoron naruk ka impaktu husi fenomeno klima nian (hanesan El Niño), apoiu asisténsia emergénsia ba Bibi Rusa (Rusa timorensis) iha Illa Jaco kontinua sai nu'udar prioridade importante ba ekosistema iha Parque Nasionál Nino Konis Santana.

Guarda Florestal iha Postu Adm. Tutuala kontinua hala'o sira nia knaar hodi foti ai-tahan husi Rai Bo'ot (terrafirme) ho roo hodi lori ba iha Illa Jaco, para bele fo han ho ba Bibi Rusa sira iha Illa Jaco.

Guardas sira halo monitora nafatin para bibi rusa sira ne'e la mate ba hamlaha ka hamrook. Konservasaun Ne'e parte husi eforsu hodi protege flora-fauna no biodiversidade iha Parque Nacional Nino Konis Santana.

​Transporte ho Roo Hakat Tasi, ​Ai-tahan tula uza roo ki'ik husi Praia Valu (Tutuala) hakat tasi-fehan naruk besik kilometru 1-2 hodi ba to'o Illa Jaco hodi garanti katak bibi rusa sira ne'ebé fraku bele hetan hahán ho di'ak.

​Ekipa sira halo inspesaun regular hodi hare besik saúde no numeru populasaun bibi rusa nian, no ses husi risku mate tanba hamlaha no desidratasaun.

​Asaun ida ne'e susesu prevene kazu mate masivu husi bibi rusa sira durante tempu bailoron naruk. Mantén Illa Jaco nu'udar fatin ne'ebé seguru no protejidu ba flora-fauna baibain iha Timor-Leste.