Kuala Lumpur, 24 Setembru 2025

Sua Eselénsia Ministru no Vise-Ministru Komérsiu no Indústria 𝑺𝒓. 𝑵𝒊𝒏𝒐 𝑷𝒆𝒓𝒆𝒊𝒓𝒂 𝒏𝒐 𝑺𝒓. 𝑨𝒖𝒈𝒖𝒔𝒕𝒐 𝑱𝒖𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, ohin hamutuk ho Ministru Ekonómiku sira hosi ASEAN, Repúblika Populár Xina, Japaun, no Repúblika Koreia ba Konsulta AEM-Plus Three (APT) ba dala-28 iha Kuala Lumpur, Malázia.

Konsultasaun ne'e foka ba aselera implementasaun Planu Traballu Kooperasaun Ekonómika APT 2025-2026. Nasaun sira APT nian reafirma sira nia kompromisu fahe ba aprofundamentu integrasaun ekonómika, hametin reziliénsia kadeia fornesimentu rejionál, no aselera kooperasaun iha área xave sira hanesan ekonomia dijitál no dezenvolvimentu sustentável hodi asegura rejiaun nia reziliénsia no prosperidade ba tempu naruk.

_Média MCI