Oecusse, 28 Setembru 2026|| Ministério da Agricultura, Pecuária, Pesca e Florestas (MAPPF),Liu husi 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬(SEF), Diresaun Geral Floresta (DGF ), Kontinua Realiza sensibilizasaun ba komunidade sira konaba protesaun no konservasaun rekursus florestais, ai-laran no biodiversidade sira hotu, iha Sede Suku Costa, Postu Administrativu Pante Macassar, Munisípiu Oecusse.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, informa sensibilizasaun ne'e importante tebes oinsá Governu servisu hamutuk ho Autoridade Lokál no Komunidade sira atu kuidadu nafatin ai-laran no ambiente ne’ebe mak fó buras no fó matak bá ita nia rai, nomós prevene dezastre naturais ne'ebé fo ameansa perigu ba komúnidade sira nia vida tanbá kauza husi atitude humanu.

"Realiza programa sensibilizasaun ne'e ho objetivu atu fahe informasaun no eduka ba komunidade sira hotu konaba protesaun no konservasaun rekursus Florestais no Flora-Fauna iha área kosteira, tanba ne'e responsabilidade kolektivu ba sidadaun sira hotu atu prevene evita Tesi ai, Sunu Rai no Kasa animal fuik no destroisaun habitat, iha área kosteira Suku Costa" dehan S.E.SEF.

Sua Excelência informa liu tan katak, Problema Floresta nian sai problema ne’ebe bo’ot no problema mundiál, kauza ne’e husi atitude humanu nian ne’ebé la familiar ho natureza, sunu rai, tesi ai-arbiru iha fatin risku sira liu-liu iha foho lolon, hahalok sira ne'e maka sei fo impaktu ba rai monu, rai halai, kuandu udan tau rai hamosu dezastre naturais, inundasaun ne'ebé sempre akontese kada tinan.

Konservasaun Be'e no Rai, Florestas, ai-laran sira ne'e iha papél importante atu, Prevene erosaun no degradasaun rai, aumentu infiltrasaun bee ba rai no redus sedimentasaun no risku inudasaun bainhira akontese.

Apoiu agrikultura sustentavel, protesaun Florestal, ai-laran sira tenke liga ho moris agricultura. Pratika Agrofloresta kombina ai horis no atividade agricultura bele ajuda Komunidade hetan produtus ekónomia, maibe rai no ekosistema nafatin protejidu.

Politika Nonu Governo Konstitusional nian Konaba Diversifikasaun ekonómia no dezenvolvimentu sustentavel bele implementa liu husi rekursus florestais ne'ebé jere no responsabilidade. Komunidade bele dezenvolve ai fuan, Ai komersial hodi hadia ekonómia familia uma laran.

Sensibilizasaun ne'e sai hanesan mekanismu edukasaun ambiental, partisipasaun komunidade, prevensaun destroisaun Florestais responsabilidade kolektivu, Governu, autoridade lokal lideransa komunitaria, juventude, feto no agricultor sira tenki servisu hamutuk hodi transforma Komunidade sira iha Suku Costa, Pante Macassar, sai Komunidade Guarda Floresta no promotor ekonómia verde, iha ita nia rai.

Enkuantu partisipa iha Sensibilizasaun ne'e Sua Excelência SEF, Akompañia mós Xefe Gabinete SEF, Prezidente Autoridade Rejiaun Administrativa Espesiál Oé-Cusse Ambeno (RAEOA). Administrador Postu Administrativu Pante Macassar, Komandante PNTL Rejiaun Administrativa Espesiál Oé-Cusse Ambeno (RAEOA), Diretór APC-RAEOA, Reprezentante Comandante F.FDTL-RAEOA, Partisipa mós Xefe Suku no Xefe Aldeia Sira inklui Lia nain no Komunidade sira hotu.