Tutuala, 28 Septembru 2026|| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Kontinua fó Orientasaun ba Tekniku Corpu Guarda Florestal iha Área Costeira, Hamutuk ho Estudante Estajiáriu husi Universidade Nacional Timor Lorosa'e(UNTL), Kontinua Fornese Ai-Han ba Bibi Rusa iha Ilha Jaco Tutuala, tamba impaktu akontese El Niño no Bailoron naruk Ai Han Menus ona.

Responsável ba situasaun emerjénsia ne'e, Corpu Guarda Florestal husi Secretário de Estado das Florestas (SEF) kontinua halo esforsu tomak hodi transporta no oferese ai-hán matak (ai-tahan) ne'ebé koli husi Rai-Bo'ot (terrafirme Tutuala) hakat tasi uza roo hodi ba fo han Bibi Rusa iha Illa Jaco.

Objetivu no importánsia ba tempu naruk

​Mantén Ekosistema saúdavel Aksaun ne'e hodi garanti katak populasaun Bibi Rusa ne'ebé sai nu'udar simbolu biodiversidade iha Parque Nacional Nino Konis Santana la mohu ka lakon.

​Protesaun Patrimóniu Natural: Mantén Illa Jaco nu'udar fatin ne'ebé protejidu ho di'ak hodi apoia mós turizmu sustentável no ekoturizmu iha Timor-Leste.

Illa Jaco ne'ebé ho área Parque Nacional Nino Konis Santana (Lautém, Tutuala) mak fatin ne'ebé úniku no importante tebes ba konservasaun biodiversidade iha Timor-Leste, liuliu ba protesaun balada fuik hanesan Bibi Rusa (Rusa timorensis).

Importánsia Illa Jaco no Bibi Rusa, Ekosistema Sagradu no Protejidu: Illa Jaco konsidera nudar fatin Lulik (santeiru) husi komunidade Tutuala no rai-na'in sira. Habitat Naturál Bibi Rusa: Illa Jaco sai nudar helik-fatin seguru ba bibi rusa sira husi asaltu makás husi ema. Sira moris livre iha floresta no besik tasi-ninin.

#FotoHusiGuardaSiraIhaTereñu