Dili, 28 Setembru 2026

Ministru Manetelu segunda ohin konvoka enkontru ho Prezidente ANATL, E.P. Romualdo António Soares da Silva no funsionáriu públiku sira ne’e destaka ka halo servisu iha ANATL. E.P, enkontru ne’e hala’o iha sala enkontru ANATL.E.P Komoro.

Objetivu husi enkontru ne'e mak atu hamutuk ho Prezidente ANATL haree fali situasaun funsionáriu públiku sira ne'ebé oras ne'e dadaun hala'o servisu iha ANATL, E.P., hodi reintegra fila fali mai ministériu hodi reforsa fali estrutura iha Ministériu.

Funsionáriu públiku sira-ne'e hala'o tiha ona sira-nia kna’ar iha ANATL besik tinan 10 (sanulu).

Objetivu husi Reuniaun atu kordena kona-bá funsionáriu públiku sira ne'ebé destaka iha ANATL hodi reintegra fali mai ministériu hodi nune’e bele reforsa fila fali servisu sira iha Ministériu.

Ministru Manetelu hateten funsionáriu públiku sira ne'ebé destaka iha ANATL tenke prontu atu fila bá Ministériu iha tempu saida de’it tuir nesesidade ministériu nia.

Razaun reorganizasaun ne'e halo ho objetivu atu re-organiza fali rekursu umanu sira iha administrasaun públika no re-ajusta estrutura servisu nian.

Prosesu Reintegrasaun Funsionáriu sira ne'ebé afetadu sei simu fali knaar no responsabilidade tuir sira-nia kargo no estatutu funsionáriu públiku nian iha ministériu ka servisu orijinál ne'ebé sira pertense bá.

Prezidente ANATL manifesta kompreensaun no apoiu bá polítika ne'e no konkorda atu halo fali levantamentu bá dadus funsionáriu públiku sira iha ANATL.E.P.

https://sdi.gov.tl/ministerio/presrealease/create

Média MTK