Díli, 23 Setembru 2025| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Hala'o Abertura ba Treinamentu liu husi projetu CBNRM hodi fó Kapasitasaun no koñesimentu ba Funsionáriu MAPPF no Autóridade Lokál sira husi Munisípiu(5), hodi Hakbi'it Komunidade sira konaba Jestaun Bacias Hidrograficas ne'ebé sustentavel" Tersa-feira ne'e iha Salaun Lus Clarita Hotel.

Treinamentu liu husi projetu Community-Based Sustainable Natural Resources Management (CBNRM), durante Loron 3 ba Munisípiu 5, Munisípiu Baucau,Viqueque, Bobonaro, Lautém inklui RAEOA, iha Bacias Hidrograficas ho Prioridade Aas iha Timor-Leste" hateten SEF.

Projetu ba Jestaun paizajen baseia ba Komunidade Hametin Rezilensia no Redusaun ba Desflorestasaun iha Bacias Hidrograficas sira iha Timor-Leste.

Objetivu husi formasaun ne'e dahuluk atu introdus roteiru CBNRM no Prioritizasaun Bacias Hidrograficas no introdús mekanizmu jerál CBNRM nian no fornese esperensia aprendizajen ida liu husi observasaun iha atividade projetu JICA-CGF.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, informa abertura ba treinamentu ne'ebé mai husi projetu CBNRM no apoiu husi JICA, ne'ebé kompostu husi Munisípiu (5), Munisípiu Baucau,Viqueque, Bobonaro, Lautém inklui RAEOA, oinsa atu hakbi'it ba komunidade sira nian ba Jestaun Floresta Sustentavel ba Munisípiu sira ne'ebé sai ona tarjetu.

"Ita hotu hatene katak Jestaun Bacias Hidrograficas ne'ebé implementa ona husi Japan Internasional Cooperation Agency (JICA), sai hanesan referensia ba Munisípiu sira seluk atu bele kontinua nafatin halo jestaun Bacias Hidrograficas ba área floresta ne'ebé mak eziste iha munisípiu ne'ebé hetan presaun ho atividade humanu ne'ebé fo ameasas ba Bacias Hidrografikas"dehan SEF.

S.E.SEF, informa tan katak liu husi treinamentu ida ne'e oinsa atu kapasita jestór no funsionáriu tekniku sira atu nune'e bele kontinua fahe informasaun hanesan ajente transformador ba Komunidade sira liu-liu sira ne'ebé hela iha área Bacias Hidrograficas ninin nune'e sira bele tau matan ba jestaun floresta sustentavel ba Munisípiu sira ne'ebé sai hanesan tarjetu.

"Projetu husi JICA-GCF ne'ebé servisu hamutuk ho Diresaun Gerál Floresta (DGF) ne'ebé hetan apoiu fundus husi GCF ba projetu CBNRM no tau ba iha programa jestaun Bacias Hidrograficas no Jestaun Floresta Sustentavel iha ita nia rai, projetu ne'e lao iha tinan hira liu ba kotuk no sira kontinua hala'o projetu ne'e.

Tanba ne'e mak ohin marka prezensa husi Prezidente Autoridade Munisípiu sira atu halo kontinuasaun hodi akompañiamentu ba projetu ida ne'e nune'e projetu ne'e bele benefisia ba povu no nasaun no apoiu ba programa nonu governu konstituisionál ne'ebé hetan ona aprovasaun" hateten S.E.SEF.

Hodi nune'e ita hotu bele ita komitmentu iha vontade atu dezenvolve rai ida ne'e liu husi atividade no programa ne'ebé mak mai husi ajensia no parseiru dezenvolvimentu sira ne'ebé mak servisu iha Timor-Leste.

Marka prezensa iha abertura ba treinamentu reprezenta Japan Internasional Cooperation Agency(JICA-GCF) iha Timor-Leste, Prezidente Autoridade (PAM),Munisípiu Baucau, Prezidente Autoridade (PAM),Munisípiu Bobonaro, reprezentante Prezidente Autoridade(PAM) Munisípiu Viqueque, reprezentante Prezidente Autoriedade(PAM) Munisípiu Lautém no Diretór Agrikultura RAEOA, Partisipa mós Director HALARAE, Diretór RAEBIA, Diretór Gerál no Diretór Nasionál no Funsionáriu sira hotu.

#Média G-SEF