Dili,28/9/2026. Ministériu Agrikuktura Pekuária Peska no Floresta servisu hamutuk ho Parseiru dezenvolvimentu Coral Tringle Centre (CTC) hasa’e kuiñesementu Media nian oinsa mak atu hakerek notisia ka artikel konaba Strengthening Merine Coservation knowledge, liu husi Workshop no trainamentu durante loron tomak iha salaun enkontru Hotel Garden Beach Praia do Coqueiros.

Diretór Nasionál Planeamento Espacial Mar no Gestaun Rekursu Aquatiku, Januario Marçal atu konserva riku soin iha tasi laran mak governu liu husi Ministeriu Agrikultura Pekuária peska no Floresta servisu hamutuk ho parseiru sira liu-liu Coral Tringle Centre (CTC) durante ne’e halo konservasaun ba ahu-ruin, animal tasi no riku-soin sira seluk liu husi atividade estabelesementu Area Mariña Protezida (MPA) hodi konserva biodiversidade tasi laran bazea ba baze legal ne’ebé iha.

Diretór mós hatuitan liu husi workshop ne’e liga ba servisu media sira ne’e inporante tanba papel media mak sei dessimina no diviulga informasaun konaba konservasaun biodiversidade rekursu tasi nia ba públiku konaba Area protezida Mariña (MPA), no saída mak MPA no ninia benifísiu ba komunidade ne’e saída tanba ne’e mak liu husi Workshop ne’e sei aprezenta materia oinsa mak atu hakerek artikel ka notisia konaba konservasaun.

Iha fatin hanesan, Marthen Welly husi CTC mós esplika, liu husi worshop ne’e CTC ho MAPPF aprejenta rezultadu Monitorisaun no survey konaba ahu-ruin no ikan sira iha tasi laran ne’ebé mak durante ne’e hala’o iha Area Mariña Protezida (MPA) liu -liu illa Atauro no halo komparasaun data husi rezultadu survey husi tinan 2017 ho 2025 konaba ahu-ruin iha mundansa husi porsentu 38 sae’ ba 42 Porsentu katak ahu-ruin ne’e moris diak no laiha estragus ne’eduni ikan sira moris iha fatin refere automatimente sa’e.

Nia hatutan rezultadu monitorizasaun ne’e fahe ba governu no komunidade sira nomós liu huis media nune’e bele publika konaba Area protezida Mariña oinsa mak atu proteze nune’e iha future bele aumenta rekursu tasi liu-liu ikan sira.

Atividade ne’e partispa husi Media Nasional no media MAPPF, Universidade nomós ejensia ne’ebé mak hala’o atividade iha parte tasi