Dili, Diretór Geral Agrikultura Café Plantas no Industria ho Diretór Geral UASAC realiza enkontru ho delegasaun husi nasaun Singapura ne’ebé mak mai hare direta no rona direta oinsa mak atu bele investe iha area agrikultura, Pekuaria, Peska no Floresta tanba Timor -leste mós sai ona Membru ASEAN nian. Atividade enkontru ne’e realiza iha salaun enkontru uma adat MAPPF Comoro.

Iha entrevista Diretór Geral Café Plantas no Industria, Martinho Laurentino esplika,Nasaun Singapura nu’udar nasaun ne’ebe avansadu ne’eduni delegasaun husi Universidade famozu iha Singapura hala’o enkontru ho MAPPF koalia konaba Setór agrikultura, Pekuaria, Peska no Floresta.”Singapura hakarak investe iha parte Floresta konaba ai-kameli no kafé, nomós parte pekuaria mak jestaun hakiak manu inklui peska, kafe ne’e hanesan ita hotu hatene iha munisipiu lubuk ida mak produsaun kafe ne’e boot kuaze 60 mil ektare no barak mak dezenvolve kafe maibe produsaun sei menus ne’eduni exporta ba rai liur ne’e menus tanba produsaun ne’e kiik kestaun manutensaun no kafe hun tuan mak barak”. Tenik DG-ACPI

Nia informa tan,Timor-Leste sai ona membru ASEAN ne’e duni programa saida de’it mak hakarak atu halo liu husi koperasaun ho nasaun Singapura ne’e hanesan oportunidade di’ak ba Timor liu-liu ba negosiante sira.