Kuala Lumpur, 24 Setembru 2025

Eselénsia Vise-Ministru Komérsiu no Industria 𝑺𝒓. 𝑨𝒖𝒈𝒖𝒔𝒕𝒐 𝑱𝒖𝒏𝒊𝒐𝒓 𝑻𝒓𝒊𝒏𝒅𝒂𝒅𝒆, indikativu lider SEOM Timor-Leste, akompaña husi delegasaun partisipa Konsultasaun AEM-METI ba da-31 ne'ebé hala'o iha Sentru Komérsiu ba Expozisaun Internasionál Malaysia Kuala Lumpur.

Sorumutu ne'e ko'alia kona-ba importánsia husi estratéjia Ko-Kreasaun ASEAN-Japaun nian ho partisipasaun setór privadu nian iha reforsu parseria ekonómika ASEAN no Japaun nian ba futuru ida-ne'ebé sustentavel, inkluzivu no dijitál liuhusi implementasaun Planu Asaun no Dezenvolvimentu Futuru ba Ko-Kreasaun Ekonomika Inovativa no Sustentavel ASEAN-Japaun 2023-2033. 

Sorumutu ne'e mós ko'alia kona-ba kompromisu maka'as entre ASEAN no Japaun atu reforsa sira-nia relasaun komérsiu no investimentu liuhusi implementasaun Akordu ASEAN-Japaun nian kona-ba Parseria Ekonomika Komprehensivu (AJCEP) no Akordu Rejional ba Parseria Ekonomika Komprehensivu (RCEP).

Sorumutu ne’e preside husi Ministru Investimentu, Komersiu no Industria, Tengku Datuk Seri 𝒁𝒂𝒇𝒓𝒖𝒍 𝑨𝒃𝒅𝒖𝒍 𝑨𝒛𝒊𝒛, partisipa mós husi Sekretáriu-Jeral ASEAN, 𝑫𝒓. 𝑲𝒂𝒐 𝑲𝒊𝒎 𝑯𝒐𝒖𝒓𝒏, no reprejenta estadu membru ASEAN inklui Timor-Leste hanesan observador.

Media_MCI