Dili loron 29, fulan-Setembru, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, partisipa no entrega Sertifikadu lian Inglês ba formandu na'in 271 husi Munisípiu Dili, ne'ebé hala'o iha salaun STM Becora.

Iha serimònia distribuisaun sertifkadu Sekretáriu Estadu hateten, atividade ne'e kontinuasaun husi Vaga Online ne'ebé mak realiza iha tinan 2023, no kandidatu sira ne'ebé mak valor ki'ik Governu kontinua esfosu hodi realiza, formansaun ba Kandidatu sira.

" ita hatene katak iha tinan 2023 ita iha kandidatus rihun lima-nulu resin lima, mak partisipa iha programa PALM scheme ne'e rasik, bainhira iha selesaun ita-nia Joven lubuk ida mak ho valor ne'ebé ladun di'ak, hodi ba hatan empregador Australia nian, tamba ne'e mak politika governo da-9 ni'an prepara fila fali formasaun ba ita nia Alin Joven sira, atu nune'e sira mos bele hetan oportunidade hodi hetan kualifikasaun di'ak hodi hatan ba iha merkadu traballho iha Australia" dehan Sekretariu Estadu SEFOPE.

Iha serimònia partispa mós husi Prezidente Autoridade Munisípiu Dili, Diretór Executivu SENE, Inspektur GIAI, Diretor CNFP Becora, Diretor STM Becora no Formandu sira.