𝗟𝗶𝗸𝗶𝘀𝗮,𝟯𝟬 𝗦𝗲𝘁𝗲𝗺𝗯𝗿𝘂 𝟮𝟬𝟮𝟲

Ministru Obras Públikas, Samuel Marçal, partisipa diskusaun Lei kona-bá Orgánika Kámara Kontas Tribunál Superior Administrativu, Fiskál no Kontas, ne’ebé organiza husi Parlamentu Nasionál Komisaun A.

Diskusaun ne’e realiza iha salaun Tokodede, Likisa, kuarta-feira ne’e.

Antes ne’e Parlamento Nasionál, iha Sesaun Plenária Ordináriu ne’ebé realiza iha loron 28 fulan- setembru tinan 2026, aprova iha jeneralidade Projetu Lei nú 18/VI/(3.ª) alterasaun datoluk bá Lei nú 9/2011, loron 17 fulan-agostu, ne’ebé aprova Orgánika Kámara Kontas Tribunál Superior Administrativu, Fiskál no Kontas, ho votus a favor 39, kontra 1 no abstensaun 13. Hafoin aprovasaun, Prezidente Parlamentu informa bá plenáriu katak Proposta Lei refere entrega fila fali bá Komisaun Kompetente bá matéria (Komisaun A), atu kontinua hala’o diskusaun iha especialidade ho envolvimentu husi parte Governu mós.

Membru Governu sira ne’ebé partisipa iha diskusaun ne’e mák; Ministru Justisa, Sérgio de Jesus Fernandes da Costa Hornai, Ministru Petróleu no Rekursus Minerais, Francisco da Costa Monteiro, Ministru Planeamentu no Investimentu Estratéjiku, Gastão Francisco de Sousa,Vise-Ministru Asuntus Parlamentares, Adérito Hugo da Costa, Ministériu Finansas reprezenta husi Vise-Ministra Finansas, Regina de Jesus de Sousa, inklui Prezidenti Komisaun C Parlamentu Nasionál, Cedelizia Faria do Santos.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*