Dili,28-09-2026 Diretora Nasional Desenvolvimentu Igualdade Jéneru (DNDIJ) SEI Sra, Olga Da Costa Monteiro, Xefe Departementu Partisipasaun Politika, Sra. Avia Brito De Araujo Akompaña husi tekniko Profesionais,Sr. Rumao Pidade no Maria Emilia Dos Santos Ataide do Rego,hamutuk ho Deputy Taf Nabilan ,Sra. Maria Veronika, fo formasaun kona ba politika igualdade,inkluzaun no la - diskriminasaun atu haforsa partisipasaun ema ho defisiensia no komunidade LGBTIQ+ iha lideransa no prosesu foti desizaun.

Iha Ceremoni ne,e abertura husi Diretora Nasional Desenvolvimentu Igualdade Jéneru (DNDIJ) SEI Sra, Olga Da Costa Monteiro. Sekretaria Estadu ba Igualdade bazeia ba nia mandatu iha responsabilidade atu promove no haforsa igualdade jéneru liu husi advokasia, koordenasaun,monitorizasaun,no avaliasaun no mos haforsa kapasidade instituisaun no Parseira sira. Sekretaria Estadu ba Igualdade rekoñese katak Ema ho Defisiensia no komunidade LGBTIQ+ tenke iha oportunidade hanesan atu partisipa iha moris públika,lideransa no prosesu foti desizaun, ho esperitu parseria, igualdade,inkluzaun,no respeitu ba dignidade ba ema hotu,ita hamutuk bele kontribui ba Timor-Leste.

Formasaun ida ne,e mai ho objectivo atu hasa,e ita nia konhesementu no abilidade kona ba igualdade jéneru, diretus umanus,inkluzaun,la- diskriminasaun, lideransa no partisipasaun politika,formasaun ida ne,e mos hanesan oportunidade ida atu hametin diak liutan kolaborasaun entre SEI, TAF Nabilan ADTL, CODIVA, no parseira sira. Formasaun ne,e hala,o durante loron tolu. Partisipantes mai husi ADTL,no Codiva, Atividade ne,e hala,o ihaiha salaun TAF Nabilan Pante Kelapa Dili.