BOBONARO-BATUGEDE, 30 SETEMBRU 2026 – 𝐄𝐧𝐤𝐨𝐧𝐭𝐫𝐮 𝐥𝐢ñ𝐚 𝐦𝐢𝐧𝐢𝐬𝐭𝐞𝐫𝐢á𝐥 𝐧𝐞’𝐞𝐛é 𝐥𝐢𝐝𝐞𝐫𝐚 𝐡𝐨𝐬𝐢 𝐕𝐢𝐬𝐞-𝐌𝐢𝐧𝐢𝐬𝐭𝐫𝐮 𝐀𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐄𝐬𝐭𝐚𝐭á𝐥, 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬, no 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, hamutuk ho 𝐏𝐫𝐞𝐳𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬í𝐩𝐢𝐮 𝐁𝐨𝐛𝐨𝐧𝐚𝐫𝐨 (𝐏𝐀𝐌 𝐁𝐨𝐛𝐨𝐧𝐚𝐫𝐨), 𝐏𝐚𝐮𝐥𝐨 𝐌𝐨𝐧𝐢𝐳 𝐌𝐚𝐢𝐚, no 𝐞𝐬𝐭𝐫𝐮𝐭𝐮𝐫𝐚 𝐬𝐢𝐫𝐚, ko'alia kona-ba planu harii estasionamentu públiku iha área Batugede. Enkontru ne'e hala'o iha salaun Alfándega, kuarta-feira (30/09).

Enkontru ne'e nu'udar kontinuasaun hosi enkontru dahuluk, ne'ebé bazeia ba asuntu hosi rezultadu relatóriu identifikasaun no levantamentu dadus ne'ebé hala'o hosi Autoridade Munisípiu Bobonaro iha terrenu, hodi prepara ba terminál Batugede.

Aleinde ne’e, SEATOU ho Vise-MAE halo mós konfirmasaun ba ekipa responsável ne’ebé halo levantamentu dadus ba rai no uma-kain hirak ne’ebé sei afeta hosi projetu terminál refere, hodi garante katak dadus hirak ne’ebé foti ona ne'e loos no bazeia duni ba situasaun reál iha terrenu.

Iha enkontru ne'e, partisipa mós Diretora-Jerál Toponímia no Organizasaun Urbana (DGTOU), Maria Odete Barros Florindo, Diretór-Jerál Transporte, Diretór Nasionál Terras no Propriedades, Diretór Nasionál Edifikasaun Obras Públikas, Diretór Aduaneiru, Diretor Nasional Servisu Organizasaun Urbana (DNSOU), Diretor Nasional Toponímia (DNT), Segundu Komandante Komandu Polísia Munisípiu Bobonaro, reprezentante Imigrasaun, reprezentante Alfándega, Administradór Postu Administrativu Balibó, Atabae no Maliana, diretór servisu munisipais relevante sira, hamutuk ho xefe suku sira.